Íslenskar íþróttir öðlast nýtt líf Óskar Ófeigur Jónsson skrifar 29. júlí 2016 07:00 Tímamótasamningar undirritaðir fyrir utan höfuðstöðvar ÍSÍ. vísir/stefán Íslenskar íþróttir hafa gefið þjóðinni mikið en líklega aldrei eins mikið og síðasta árið. Afrek íþróttafólksins okkar hafa nú náð að vekja stjórnvöld af værum blundi og nú sér íslenskt afreksfólk fram á allt annað og betra líf á næstu árum. Það má segja að íslenskar íþróttir hafi hreinlega fengið nýtt líf. Framlag ríkisins til afreksíþrótta mun hækka í áföngum úr hundrað milljónum á fjárlögum síðasta árs í 400 milljónir á næstu þremur árum og er því um fjórföldun að ræða. Stjórnvöld hækka framlag sitt um hundrað milljónir á hverju ári.Orðinn allt annar sjóður „Áhrif þessa samnings munu verða gríðarleg,“ sagði Lárus Blöndal, forseti ÍSÍ. „Þetta er bara bylting. Við erum að tala um að það er verið að gjörbylta möguleikum afrekssjóðs til að styðja við bakið afreksstarfinu í landinu. Við þurfum auðvitað að ráðast í það að breyta reglum afrekssjóðsins því við erum í rauninni að tala um allt annan sjóð þegar við horfum til þessara þriggja ára,“ sagði Lárus. Framlagið árið 2019 verður því 400 milljónir sem er sextánföld upphæðin frá árinu 2011 þegar stjórnvöld buðu íslenskum afreksíþróttum aðeins upp á tæplega 25 milljónir í heildarstyrk. „Þetta hefur hækkað úr 24 milljónum upp í hundrað milljónir á síðustu árum en núna erum við að tala um að fara upp í 400 milljónir. Nú opnast möguleikar til þess að greiða afreksfólki framfærslugreiðslur. Við ætlum okkur líka að tryggja faglega umgjörð afreksstarfsins. Menn hafa mikið rætt um árangur KSÍ og vilja að einhverju leyti tengja það við breytta og bætta umgjörð landsliðsins,“ sagði Lárus og það er að heyra á honum að árangur fótboltalandsliðsins á EM hafi gefið mörgum von.grafík/fréttablaðiðLangstærsta skrefið í sögu ÍSÍ „Það sem við viljum sjá núna er að önnur sérsambönd, þetta 31 sérsamband sem er til viðbótar KSÍ undir hatti ÍSÍ, hafi einnig möguleika til að grípa til slíkra ráðstafana. Afrekssjóður ÍSÍ verður kominn upp í rúmlega 450 milljónir króna eftir þrjú ár með framlagi,“ sagði Lárus sem vill þakka menntamálaráðherra og ríkisstjórn fyrir samninginn. „Þetta lýsir mikilli framsýni og víðsýni og ákveðnum kjarki að taka á þessu máli sem ég tel að þjóðin styðji heilshugar. Ég fullyrði það að með þessum samningi er stigið langstærsta einstaka skrefið í uppbyggingu afreksstarfs á Íslandi í sögu ÍSÍ. Ég segi bara til hamingju Ísland,“ sagði Lárus.Stórkostlegir mánuðir Illugi Gunnarsson, mennta- og menningarmálaráðherra, þakkaði fulltrúum Íþrótta- og Ólympíusamband Íslands fyrir jákvæðni og uppbyggilega vinnu. „Þetta skiptir samfélagið svo miklu máli og fyrir margra hluta sakir. Augljóst er að íþróttahreyfingin hefur mikið uppeldis- og menntagildi fyrir börnin okkar og ungmenni,“ sagði Illugi. „Það skiptir ekki máli hvort maður kemur frá fjölmennu landi eða fámennu og hvort maður býr á eyjum sem eru úr alfaraleið. Ef við leggjum hart að okkur, gefumst ekki upp og sýnum þrautseigju og þolgæði, þá er hægt að ná ótrúlegum árangri. Það eru þau skilaboð sem skipta svo miklu máli fyrir samfélagið allt og sérstaklega unga fólkið okkar. Það eru þau skilaboð sem íþróttafólkið okkar sendir núorðið næstum því á hverjum einasta degi,“ sagði Illugi.Pólitísk sátt um þetta framlag „Síðustu tólf mánuðir í íþróttasögu Íslands hafa verið stórkostlegir og það er sama hvert litið er. Að 330 þúsund manna þjóð skuli hafa á síðustu mánuðum sent lið í úrslitakeppni Evrópumótanna í körfuknattleik, handknattleik og fótbolta. Það er alveg ótrúlegt afrek og svo bætast við afrekin í sundi, frjálsíþróttum og eiginlega hvert sem litið er,“ sagði Illugi „Íþróttafólkið okkar hefur verið að ná afburðaárangri og þess vegna er það mjög mikilvægt að ríkisvaldið styðji sem best við þessa starfsemi. Ég fullyrði að þeir fjármunir sem renna til þessara mála eru fjármunir sem bæði er mikil pólitísk sátt um að greiða og líka hitt að menn munu uppskera mjög fyrir þessa fjárfestingu,“ sagði Illugi. Íþróttir Mest lesið Gat ekki staðið upp til að taka við bikarnum Sport Adam hundfúll og Arnar beint í símann Íslenski boltinn Sjáðu aukaspyrnumark Gylfa, umdeildan rangstöðudóm og rauðu spjöldin Íslenski boltinn „Maður hefur verið milli tannanna á fólki síðan maður var ungur“ Íslenski boltinn „Arnar fór langt yfir strikið“ en nafni hans oftar með dónaskap Íslenski boltinn Segir að Viðar hafi ekki mætt á æfingu á leikdegi Íslenski boltinn „Síðasti naglinn í kistu Ten Hag“ Enski boltinn Bielsa ætlar að velja áhugamann í landsliðshóp Úrúgvæ Fótbolti Segir að Casemiro hafi verið aðhlátursefni gegn Palace Enski boltinn „Tveir Víkingar? Ég er bara hissa“ Íslenski boltinn Fleiri fréttir Gaf leik því hún vildi ekki keppa við trans konu „Maður hefur verið milli tannanna á fólki síðan maður var ungur“ „Tveir Víkingar? Ég er bara hissa“ Adam hundfúll og Arnar beint í símann Vatnstjónið vísar Stólum til Akureyrar Forest í bullandi fallhættu vegna bulls í fjármálum Kosinn nýliði ársins með fullu húsi Napoli í kapphlaupið um Albert Riley sagði Butler að halda kjafti og lofaði honum ekki nýjum samningi Segir að Viðar hafi ekki mætt á æfingu á leikdegi Segir að Casemiro hafi verið aðhlátursefni gegn Palace Sjáðu aukaspyrnumark Gylfa, umdeildan rangstöðudóm og rauðu spjöldin „Síðasti naglinn í kistu Ten Hag“ „Arnar fór langt yfir strikið“ en nafni hans oftar með dónaskap Kolli í titilbardaga sem gæti valdið vatnaskilum Brunson í fámennan klúbb og Knicks veittu fyrsta höggið Bielsa ætlar að velja áhugamann í landsliðshóp Úrúgvæ Dagskráin í dag: Hvort fer PSG eða Dortmund í úrslit Meistaradeildarinnar? Ten Hag: Leikmennirnir hefðu átt að halda áfram að berjast líkt og stuðningsfólkið Gat ekki staðið upp til að taka við bikarnum „Ótrúlega stoltur að klára mjög sterkt og vel mannað Grindavíkurlið“ „Segir þeim að hætta þessu fokking rugli“ „Það er þjálfarinn sem á að stíga upp og finna betri lausnir“ „Höfum engu að tapa núna“ Hákon Arnar fékk gult þegar Lille henti frá sér unnum leik Uppgjör, viðtöl og myndir: Breiðablik - Valur 2-3 | Manni færri héldu gestirnir út Uppgjör: Grindavík - Njarðvík 69-82 | Njarðvík í úrslit Crystal Palace lék sér að Man United Þjálfari Luka og Kyrie framlengir Van Dijk vill hjálpa til við að skrifa næsta kafla Liverpool Sjá meira
Íslenskar íþróttir hafa gefið þjóðinni mikið en líklega aldrei eins mikið og síðasta árið. Afrek íþróttafólksins okkar hafa nú náð að vekja stjórnvöld af værum blundi og nú sér íslenskt afreksfólk fram á allt annað og betra líf á næstu árum. Það má segja að íslenskar íþróttir hafi hreinlega fengið nýtt líf. Framlag ríkisins til afreksíþrótta mun hækka í áföngum úr hundrað milljónum á fjárlögum síðasta árs í 400 milljónir á næstu þremur árum og er því um fjórföldun að ræða. Stjórnvöld hækka framlag sitt um hundrað milljónir á hverju ári.Orðinn allt annar sjóður „Áhrif þessa samnings munu verða gríðarleg,“ sagði Lárus Blöndal, forseti ÍSÍ. „Þetta er bara bylting. Við erum að tala um að það er verið að gjörbylta möguleikum afrekssjóðs til að styðja við bakið afreksstarfinu í landinu. Við þurfum auðvitað að ráðast í það að breyta reglum afrekssjóðsins því við erum í rauninni að tala um allt annan sjóð þegar við horfum til þessara þriggja ára,“ sagði Lárus. Framlagið árið 2019 verður því 400 milljónir sem er sextánföld upphæðin frá árinu 2011 þegar stjórnvöld buðu íslenskum afreksíþróttum aðeins upp á tæplega 25 milljónir í heildarstyrk. „Þetta hefur hækkað úr 24 milljónum upp í hundrað milljónir á síðustu árum en núna erum við að tala um að fara upp í 400 milljónir. Nú opnast möguleikar til þess að greiða afreksfólki framfærslugreiðslur. Við ætlum okkur líka að tryggja faglega umgjörð afreksstarfsins. Menn hafa mikið rætt um árangur KSÍ og vilja að einhverju leyti tengja það við breytta og bætta umgjörð landsliðsins,“ sagði Lárus og það er að heyra á honum að árangur fótboltalandsliðsins á EM hafi gefið mörgum von.grafík/fréttablaðiðLangstærsta skrefið í sögu ÍSÍ „Það sem við viljum sjá núna er að önnur sérsambönd, þetta 31 sérsamband sem er til viðbótar KSÍ undir hatti ÍSÍ, hafi einnig möguleika til að grípa til slíkra ráðstafana. Afrekssjóður ÍSÍ verður kominn upp í rúmlega 450 milljónir króna eftir þrjú ár með framlagi,“ sagði Lárus sem vill þakka menntamálaráðherra og ríkisstjórn fyrir samninginn. „Þetta lýsir mikilli framsýni og víðsýni og ákveðnum kjarki að taka á þessu máli sem ég tel að þjóðin styðji heilshugar. Ég fullyrði það að með þessum samningi er stigið langstærsta einstaka skrefið í uppbyggingu afreksstarfs á Íslandi í sögu ÍSÍ. Ég segi bara til hamingju Ísland,“ sagði Lárus.Stórkostlegir mánuðir Illugi Gunnarsson, mennta- og menningarmálaráðherra, þakkaði fulltrúum Íþrótta- og Ólympíusamband Íslands fyrir jákvæðni og uppbyggilega vinnu. „Þetta skiptir samfélagið svo miklu máli og fyrir margra hluta sakir. Augljóst er að íþróttahreyfingin hefur mikið uppeldis- og menntagildi fyrir börnin okkar og ungmenni,“ sagði Illugi. „Það skiptir ekki máli hvort maður kemur frá fjölmennu landi eða fámennu og hvort maður býr á eyjum sem eru úr alfaraleið. Ef við leggjum hart að okkur, gefumst ekki upp og sýnum þrautseigju og þolgæði, þá er hægt að ná ótrúlegum árangri. Það eru þau skilaboð sem skipta svo miklu máli fyrir samfélagið allt og sérstaklega unga fólkið okkar. Það eru þau skilaboð sem íþróttafólkið okkar sendir núorðið næstum því á hverjum einasta degi,“ sagði Illugi.Pólitísk sátt um þetta framlag „Síðustu tólf mánuðir í íþróttasögu Íslands hafa verið stórkostlegir og það er sama hvert litið er. Að 330 þúsund manna þjóð skuli hafa á síðustu mánuðum sent lið í úrslitakeppni Evrópumótanna í körfuknattleik, handknattleik og fótbolta. Það er alveg ótrúlegt afrek og svo bætast við afrekin í sundi, frjálsíþróttum og eiginlega hvert sem litið er,“ sagði Illugi „Íþróttafólkið okkar hefur verið að ná afburðaárangri og þess vegna er það mjög mikilvægt að ríkisvaldið styðji sem best við þessa starfsemi. Ég fullyrði að þeir fjármunir sem renna til þessara mála eru fjármunir sem bæði er mikil pólitísk sátt um að greiða og líka hitt að menn munu uppskera mjög fyrir þessa fjárfestingu,“ sagði Illugi.
Íþróttir Mest lesið Gat ekki staðið upp til að taka við bikarnum Sport Adam hundfúll og Arnar beint í símann Íslenski boltinn Sjáðu aukaspyrnumark Gylfa, umdeildan rangstöðudóm og rauðu spjöldin Íslenski boltinn „Maður hefur verið milli tannanna á fólki síðan maður var ungur“ Íslenski boltinn „Arnar fór langt yfir strikið“ en nafni hans oftar með dónaskap Íslenski boltinn Segir að Viðar hafi ekki mætt á æfingu á leikdegi Íslenski boltinn „Síðasti naglinn í kistu Ten Hag“ Enski boltinn Bielsa ætlar að velja áhugamann í landsliðshóp Úrúgvæ Fótbolti Segir að Casemiro hafi verið aðhlátursefni gegn Palace Enski boltinn „Tveir Víkingar? Ég er bara hissa“ Íslenski boltinn Fleiri fréttir Gaf leik því hún vildi ekki keppa við trans konu „Maður hefur verið milli tannanna á fólki síðan maður var ungur“ „Tveir Víkingar? Ég er bara hissa“ Adam hundfúll og Arnar beint í símann Vatnstjónið vísar Stólum til Akureyrar Forest í bullandi fallhættu vegna bulls í fjármálum Kosinn nýliði ársins með fullu húsi Napoli í kapphlaupið um Albert Riley sagði Butler að halda kjafti og lofaði honum ekki nýjum samningi Segir að Viðar hafi ekki mætt á æfingu á leikdegi Segir að Casemiro hafi verið aðhlátursefni gegn Palace Sjáðu aukaspyrnumark Gylfa, umdeildan rangstöðudóm og rauðu spjöldin „Síðasti naglinn í kistu Ten Hag“ „Arnar fór langt yfir strikið“ en nafni hans oftar með dónaskap Kolli í titilbardaga sem gæti valdið vatnaskilum Brunson í fámennan klúbb og Knicks veittu fyrsta höggið Bielsa ætlar að velja áhugamann í landsliðshóp Úrúgvæ Dagskráin í dag: Hvort fer PSG eða Dortmund í úrslit Meistaradeildarinnar? Ten Hag: Leikmennirnir hefðu átt að halda áfram að berjast líkt og stuðningsfólkið Gat ekki staðið upp til að taka við bikarnum „Ótrúlega stoltur að klára mjög sterkt og vel mannað Grindavíkurlið“ „Segir þeim að hætta þessu fokking rugli“ „Það er þjálfarinn sem á að stíga upp og finna betri lausnir“ „Höfum engu að tapa núna“ Hákon Arnar fékk gult þegar Lille henti frá sér unnum leik Uppgjör, viðtöl og myndir: Breiðablik - Valur 2-3 | Manni færri héldu gestirnir út Uppgjör: Grindavík - Njarðvík 69-82 | Njarðvík í úrslit Crystal Palace lék sér að Man United Þjálfari Luka og Kyrie framlengir Van Dijk vill hjálpa til við að skrifa næsta kafla Liverpool Sjá meira