Fótbolti

Balotelli skoraði þegar AC Milan komst í bikarúrslitin

Óskar Ófeigur Jónsson skrifar
Mario Balotelli fagnar hér marki sínu í kvöld.
Mario Balotelli fagnar hér marki sínu í kvöld. Vísir/Getty

AC Milan er komið í bikarúrslitaleikinn á Ítalíu eftir 5-0 sigur í kvöld í seinni undanúrslitaleik sínum á móti C-deildarliði  Alessandria.

AC Milan vann fyrri leikinn 1-0 á útivelli og þar með 6-0 samanlagt.

AC Milan mætir annaðhvort Internazionale eða Juventus í úrslitaleiknum í Róm 21. maí næstkomandi en Juve vann fyrri undanúrslitaleik þeirra 3-0 og er því í góðri stöðu.

Tvö mörk frá Jérémy Ménez og eitt frá Alessio Romagnoli komu AC Milan í 3-0 í fyrri hálfleik og úrslitin voru þá endanlega ráðin.

Mario Balotelli var í byrjunarliði AC Milan og skoraði fimmta og síðasta markið á 89. mínútu en áður hafði Alessio Romagnoli skoraði sitt annað mark í leiknum.

Mario Balotelli hafði einnig skorað sigurmarkið í fyrri leiknum en þetta eru fyrstu mörkin hans síðan að hann snéri til baka eftir meiðsli.

AC Milan hefur ekki unnið ítalska bikarinn í þrettán ár eða síðan liðið vann Roma í tveimur úrslitaleiknum árið 2003.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira