Íslenski boltinn

Breiðablik og ÍBV með stórsigra

Anton Ingi Leifsson skrifar
Fanndís og samherjar hennar gátu leyft sér að fagna í dag eftir stórsigur á Stjörnunni.
Fanndís og samherjar hennar gátu leyft sér að fagna í dag eftir stórsigur á Stjörnunni. vísir/auðunn

Breiðablik og ÍBV unnu stórsigra í A-deild Lengjubikars kvenna í dag. Breiðablik vann 5-1 sigur á Stjörnunni og ÍBV skoraði sex gegn tveimur mörkum Fylkis.

Jóna Kristín Hauksdóttir kom Blikum yfir eftir tuttugu mínútur í Fífunni í dag og þær Arna Dís Arnþórsdóttir, Fjolla Shala og Andrea Rán Snæfeld Hauksdóttir bættu allar við mörkum fyrir hlé.

4-0 í hálfleik og útlitið heldur betur dökkt fyrir Stjörnuna. Harpa Þorsteinsdóttir klóraði í bakkann fyrir Stjörnuna á 62. mínútu, en Arna Dís Arnþórsdóttir gerði út um leikinn með öðru marki sínu og fimmta marki Blika á 65. mínútu.

Í Egilshöll pakkaði ÍBV Fylki saman. Ruth Þórðar Þórðardóttir kom þó Fylki yfir á 21. mínútu, en fyrir hlé skoraði ÍBV þrjú mörk. Shaneka Gordon (2 mörk) og Cloe Lacasse skoruðu og staðan 3-1 í hálfleik.

Hulda Sigurðardóttir minnkaði muninn fyrir Fylki á 56. mínútu, en Rebekah Bass skoraði tvö mörk og Shaneka Gordon eitt áður en yfir lauk. Þrenna hjá Shaneku og lokatölur 6-2 sigur ÍBV.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira