Fótbolti

„Kústskaftsræninginn“ reyndi að beita Bayern fjárkúgun

Eiríkur Stefán Ásgeirsson skrifar
Vísir/Getty

Maður sem er þekktur sem „kústskaftsræninginn“ í Þýskalandi hefur verið handtekinn vegna tilraunar til að beita þýska knattspyrnuliðið Bayern München fjárkúgun.

Maðurinn sendi félaginu tvær sprengjuhótanir skrifleiðis í pósti. Bréfin sendi hann 9. og 15. febrúar og fór hann fram á eina milljón evra í peningum og demanta að virði tveggja milljóna evra.

Lögreglan í München handtók svo 63 ára gamlan mann sem er sakfelldur bankaræningi. Árið 1999 var hann sakfelldur í sautján ákæruliðum fyrir bankarán og dæmdur í 13 ára fangelsi en var svo sleppt lausum til reynslu árið 2009.

Maðurinn vann það sér til frægðar að ræna banka og halda fólki í gíslingu með því að læsa að sér með kústskafti, áður en hann kom sér undan með háar fjárhæðir.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira