Innlent

Óbreytt vinnulag lyfsala

Sveinn Arnarsson skrifar
Steingrímur Ari Arason, forstjóri Sjúkratrygginga Íslands
Steingrímur Ari Arason, forstjóri Sjúkratrygginga Íslands

Sjúkratryggingar Íslands ætla ekki að breyta vinnulagi sínu við útreikning á greiðsluþátttöku við lyfjakaup sjúklinga þrátt fyrir að umboðsmaður Alþingis hafi sagt framkvæmdina ekki eiga sér nægilega sterka lagastoð. Lyfsalar vilja veita sjúklingum afslátt af lyfjakaupum en geta það ekki í núverandi kerfi Sjúkratrygginga.

Steingrímur Ari Arason, forstjóri Sjúkratrygginga Íslands, segir málið á borði velferðarráðuneytisins. Velferðarráðuneytið skoði nú endurskoðun lyfjalaga, laga um sjúkratryggingar og umrædda reglugerð um greiðsluþátttöku sjúkratrygginga í lyfjakostnaði. „Við hjá Sjúkratryggingum höfum ekki breytt okkar verklagi eftir álit umboðsmanns Alþingis. Við vinnum áfram eftir lögum og reglugerðinni sem byggir á lögum um sjúkratryggingar,“ segir Steingrímur Ari.

Umboðsmaður segir framkvæmdina ekki í fullu samræmi við lög. „Það eru því tilmæli mín til heilbrigðisráðherra að gerðar verði breytingar á þessari framkvæmd þannig að hún samrýmist gildandi lögum,“ segir í áliti umboðsmanns.




Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira