Innlent

Tveir á slysadeild eftir harðan árekstur

Kolbeinn Tumi Daðason skrifar
Áreksturinn varð við gatnamót Reykjanesbrautar og Krýsuvíkurvegar, rétt austan við álverið í Straumsvík.
Áreksturinn varð við gatnamót Reykjanesbrautar og Krýsuvíkurvegar, rétt austan við álverið í Straumsvík. Kort/Loftmyndir.is

Harður árekstur varð við gatnamót Reykjanesbrautar og Krýsuvíkurvegar, rétt austan við álverið í Straumsvík, á þriðja tímanum í dag. Virðist öðrum bílnum hafa verið ekið inn í hinn.

Slökkviliðinu á höfuðborgarsvæðinu barst tilkynning um slysið klukkan 14:45 og fóru tveir sjúkrabílar á vettvang auk dælubíls.

Bílarnir voru illa farnir og þurfti að beita klippum til að ná fólki úr bílunum. Voru tveir fluttir á slysadeild en þeir munu ekki vera alvarlega slasaðir.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira