Edda P glæsileg á tískupallinum í New York

Fyrirsætan Edda Pétursdóttir lét sig ekki vanta á tískupallinn í New York en hún var meðal fyrirsætna til að sýna nýjustu fatalínu fatahönnunarþríeykisins Three as Four í gærkvöldi. 

Forsíðufyrirsæta Glamour frá því í október var stórglæsileg að vanda í svörtum leggings, bol og kjól með fallegum smáatriðum. Hátt tagl og stimplaður svartur tölustafur á kinninni. Sumir tískuspekúlantar vildu meina að innblásturinn fyrir línuna mætti rekja til NFL - bandarísks fótbolta. 

Vel gert Edda!