Íslenski boltinn

Margrét Lára með fernu í kvöld

Óskar Ófeigur Jónsson skrifar
Margrét Lára Viðarsdóttir í leik með Val fyrir átta árum.
Margrét Lára Viðarsdóttir í leik með Val fyrir átta árum. Vísir/Auðunn

Margrét Lára Viðarsdóttir skoraði fjögur mörk í kvöld þegar Valskonur unnu 7-0 sigur á ÍR í B-riðli Reykjavíkurmóts kvenna í knattspyrnu.

Margrét Lára Viðarsdóttir var að spila sinn þriðja leik í Reykjavíkurmótinu en þetta eru fyrstu opinberu leikir hennar með Val síðan að hún snéri aftur eftir sjö ára dvöl í atvinnumennsku.

Margrét Lára hefur skorað átta mörk í fyrstu þremur leikjunum og Valsliðið hefur unnið þá alla með markatölunni 12-0. Margrét hefur skorað 67 prósent markanna.  

Margrét Lára skoraði mörkin sín á 5., 27., 54. og 69. mínútu. Hún spilaði ekki síðustu tuttugu mínútur leiksins.

Hin þrjú mörk Valsliðsins í kvöld skoruðu þær Málfríður Anna Eiríksdóttir, Vesna Elísa Smiljkovic og Bergrós Lilja Jónsdóttir.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira