Innlent

Konugleg heimsókn í Reykjavík

Heimir Már Pétursson skrifar

Joachim Danaprins og Marie prinsessa eiginkona hans fóru í bíltúr um Reykjavík í morgun á öðrum degi heimsóknar sinnar til borgarinnar til að skoða áhrif dansks arkitektúrs í borginni.

Að því loknu heimsótti hið konunglega par Hörpu en þar fer saman íslenskur og danskur arkitektur, þar sem húsið er hannað af Íslendingum en glerhjúpurinn af dansk - íslenska listamanninum Ólafi Elíassyni.

Eftir það heimsóttu Joachim og Marie feðgana Eyjólf Pálsson og Kjartan Pál Eyjólfsson í EPAL sem býður bæði upp á danska og íslenska hönnun á munum ýmis konar og húsgögnum.

Heimsókn hjónanna hófst í Norræna húsinu í gærkvöldi þar sem fram fór hátíðarfundur í Dansk - Íslenska félaginu í tilefni af hundrað ára afmæli félagsins.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira