Lífið

Eurovision 2016: Lögin sem þegar er ljóst að verða með í Stokkhólmi

Atli Ísleifsson skrifar
Sigurvegari síðasta árs, Måns Zelmerlöw , og Petra Mede, kynnir keppninnar árið 2013, verða kynnar keppninnar í ár.
Sigurvegari síðasta árs, Måns Zelmerlöw , og Petra Mede, kynnir keppninnar árið 2013, verða kynnar keppninnar í ár. Mynd/eurovision

Þó að enn sé talsvert í að Eurovision-keppnin fari fram í maí þá er þegar búið að kynna fjögur þeirra laga sem verða flutt í Globen-höllinni í Stokkhólmi.

Albanir, Belgar, Írar og Möltumenn hafa þegar kynnt framlög sín, en undanúrslitakvöldin fara fram 10. og 12. maí og úrslitakvöldið verður svo 14. maí.

43 lönd taka þátt í keppninni í ár, en einungis árin 2008 og 2011 hafa þátttökuríkin verið jafn mörg.

Úkraína, Bosnía, Króatía og Búlgaría snúa aftur, en Pórtúgalir og Tyrkir hafa ákveðið að sleppa því að taka þátt í ár. Ástralir taka svo aftur þátt í ár.

Sigurvegari síðasta árs, Måns Zelmerlöw , og Petra Mede, kynnir keppninnar árið 2013, verða kynnar keppninnar í ár.

Hlusta má á framlög Albaníu, Belgíu, Írlands og Möltu að neðan.

Framlag Albaníu: Eneda Tarifa með lagið Fairytale Framlag Belgíu: Laura Tesoro með lagið What's The Pressure Framlag Írlands: Nicky Byrne með lagið Sunlight Framlag Möltu: Ira Losco með lagið Chameleon

Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira