Fótbolti

Enn eitt jafntefli hjá Emil og félögum

Stefán Árni Pálsson skrifar
Emil Hallfreðsson í leik með Hellas Verona.
Emil Hallfreðsson í leik með Hellas Verona. Vísir/Getty

Sex leikjum er lokið í ítölsku seríu A-deildinni í knattspyrnu en þar ber helst að nefna auðveldur sigur Juventus á Udinese, 4-0, á útivelli.

Juve gekk frá leiknum í fyrri hálfleiknum þegar liðið skoraði fjögur mörk. Paulo Dybala skoraði tvö af þeim og Sami Khedira og Alex Sandro sitt markið hvor.

Það eina sem lið Udinese afrekaði í fyrri hálfleiknum var að fá rautt spjald þegar Danilo fékk beint rautt á 25. mínútu. Staðan 4-0 í hálfleik og þannig lauk leiknum.

Emil Hallfreðsson byrjaði leikinn á bekknum þegar Hellas Veron og Roma áttust við í Róm. Staðan var 1-0 fyrir Roma í hálfleik en Emil kom inn á í hálfleik og lék allan síðari hálfleikinn.

Giampaolo Pazzini jafnaði fyrir Hellas Verona hálftíma fyrir leikslok og niðurstaðan 1-1. Enn eitt jafnteflið hjá Emil og félögum sem hafa nú gert níu jafntefli á tímabilinu.

Liðið hefur ekki unnið leik og er því í neðsta sæti deildarinnar með níu stig. Juve er í öðru sæti deildarinnar með 42 stig, tveim stigum á eftir Napoli.

Öll úrslit dagsins:
Genoa 4 - 0 Palermo
Bologna 2 - 2 Lazio
Carpi 2 - 1 Sampdoria
ChievoVerona 1 - 1 Empoli
Roma 1 - 1 Hellas Verona
Udinese 0 - 4 Juventus



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira