Fótbolti

FH samdi við færeyskan landsliðsmann og gerði jafntefli við nýliðana

Tómas Þór Þórðarson skrifar
Heimir Guðjónsson fékk nýjan leikmann í kvöld.
Heimir Guðjónsson fékk nýjan leikmann í kvöld. vísir/valli

Íslandsmeistarar FH sömdu í kvöld við færeyska landsliðsmanninn Sonni Ragnar sem hefur verið á reynslu hjá félaginu að undanförnu.

Ragnar er 21 árs gamall varnarmaður sem var síðast á mála hjá danska úrvalsdeildarliðinu Midtjylland, en þetta kemur fram á fótbolti.net.

Sonni Ragnar, sem á þrettán landsleiki að baki fyrir Færeyjar, var í liði FH í kvöld þegar það mætti Þrótti í riðlakeppni Fótbolta.net-mótsins.

Liðin skildu jöfn, markalaus, en FH vann ekki leik í mótinu. Það tapaði fyrst fyrir KR, 2-1, og svo 2-1 á móti Skaganum.

Þróttarar voru með fjóra erlenda leikmenn á reynslu í leiknum, en liðið leitar nú að styrkingu fyrir átökin í Pepsi-deildinni í sumar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira