Innlent

Illviðrisdagurinn 7. janúar: Varað við stormi sunnan- og vestanlands

Sunna Kristín Hilmarsdóttir skrifar
Búist er við stormi sunnan-og vestanlands í dag.
Búist er við stormi sunnan-og vestanlands í dag. Vísir/Pjetur

Veðurstofan varar við stormi sunnan og vestanlands í dag. Hvassast verður syðst á landinu undir Eyjafjöllum og víða má búast við hvössum vindstrengjum við fjöll á Suður-og Vesturlandi.

Í hugleiðingum veðurfræðings á vef Veðurstofunnar kemur fram að allmörg illviðri hafa verið á þessum degi, 7. janúar, í gegnum tíðina. Árið 1884 varð til dæmis mikill mannskaði þegar 29 manns fórust með nokkrum bátum við Faxaflóa í miklum og skyndilegum útsynningi.

Samkvæmt veðurspánni á að vera rigning eða slydda sunnan-og austan til í dag en slydda eða snjókoma norðaustanlands. Annars verður úrkomulítið og hiti yfirleitt um eða yfir frostmarki, mildast sunnan til.

Nánar á veðurvef Vísis.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira