Körfubolti

Körfuboltakvöld: "Craion er besti leikmaðurinn í deildinni"

Anton Ingi Leifsson skrifar
Coleman og Craion.
Coleman og Craion. vísir/skjáskot úr Körfuboltakvöldi

Stjarnan vann KR með minnsta mun, 74-73, í Dominos-deild karla í gærkvöldi, en hún var afar áhugaverð viðureign Al'lonzo Coleman og Michael Craion undir körfunni.

Kjartan Atli Kjartansson, Hermann Hauksson og Kristinn Friðriksson fóru yfir málin í þættinum Körfuboltakvöld í gær þar sem málin voru rædd.

„Þeir eru með góðan þyngdarpunkt báðir. Geta bakkað sér sterkari menn að körfunni og eru með ágætis hreyfingar inn í teig. Craion er að mínu viti töluvert betri í þessu en Coleman," sagði Kristinn Friðrikson, einn spekingur Körfuboltakvölds.

Craion var valinn besti leikmaður fyrri umferðanna bæði af Körfuboltakvöldi og dómnefndi KKÍ. Þeir í Körfuboltakvöldi voru sammála því.

„Ég er sammála því. Craion er besti leikmaðurinn í deildinni. Við þurfum ekkert að ræða það mikið meira. Hann sýnir það í hverjum einasta leik. Það voru tveir menn að spila á eðlilegri getu í gær; Ægir og Craion."

Alla umræðuna úr Körfuboltakvöldi í gær og skoðanir allra sérfræðingana má sjá í sjónvarpsglugganum hér að neðan.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.