Íslenski boltinn

Sjáðu glæsimark Almars og mörkin þrjú úr Fífunni í gær

Anton Ingi Leifsson skrifar
Almarr reyndist hetjan í gær.
Almarr reyndist hetjan í gær. vísir/anton

Almarr Ormarsson tryggði KR sigur á FH á dramatískan hátt í Fótbolta.net mótinu í gær, en lokatölur urðu 2-1 sigur Vesturbæjarliðsins.

Steven Lennon kom FH yfir í síðari hálfleik, en annar Englendingur, Gary Martin, jafnaði metin fyrir KR úr aukaspyrnu sem FH-ingar voru ekki sáttir við.

Almarr skoraði svo sigurmarkið með fallegu skoti, en einn KR-ingur lá inn í vítateig FH og vildu FH-ingar að dómarinn myndi stöðva leikinn. Allt kom fyrir ekki og glæsilegt skot Almars endaði í netinu.

Mörkin úr leiknum má sjá hér að neðan, en leikurinn var í beinni útsendingu á SportTV í gær. Tómas Meyer og markahrókurinn Tryggvi Guðmundsson lýstu leiknum.



Fleiri fréttir

Sjá meira