Fótbolti

Þrjú mörk í uppbótartíma og Fiorentina mistókst að komast á toppinn

Anton Ingi Leifsson skrifar
Úr leiknum í dag.
Úr leiknum í dag. vísir/getty

Fiorentina mistókst að komast á topp ítölsku úrvalsdeildarinnar í knattspyrnu, en þeir töpuðu 3-1 fyrir Lazio í öðrum leik dagsins.

Balde Diao Keita skorað fyrsta mark leiksins á 45. mínútu, en það gerði hann eftir undirbúning Filip Djordjevic. Þannig stóðu leikar í hálfleik.

Sergej Milinkovic-Savic tvöfaldaði svo forystuna í uppbótartíma, en Facundo Sebastian Roncaglia minnkaði muninn stuttu síðar. Nær komust leikmenn Fiorentina ekki því Felipe Anderson kom Lazio í 3-1 með þriðja markinu í uppbótartíma og lokatölur 3-1.

Tapið varð til þess að Fiorentina náði ekki að skjótast upp fyrir Inter á toppi deildarinnar, en þeir eru í öðru sætinu með 38 stig. Inter er á toppnum með 39, en á leik til góða.

Lazio situr í níunda sæti deildarinnar með 27 stig.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira