Innlent

Íslenskir karlmenn naktir í bresku hommablaði

Jakob Bjarnar skrifar
Íslenskir karlmenn verða í aðalhlutverki í næsta tölublaði ELSKA.
Íslenskir karlmenn verða í aðalhlutverki í næsta tölublaði ELSKA. skjáskot/gayiceland

Talsverður fjöldi íslenskra karlmanna mun sitja fyrir í ELSKA sem er erótískt breskt hommatímarit. Ríkir veruleg eftirvænting vegna þessa meðal samkynhneigðra á Íslandi, en ljósmyndatökur hafa staðið yfir að undanförnu. „Hingað til hafa íslenskar konur setið fyrir í Playboy og víðar, nú er komið að körlunum, segir einn þeirra sem tilheyrir samfélagi samkynhneigðra, sem Vísir ræddi við -- ánægður með framtak Bretanna og spenntur eftir útkomunni.

Næsta tölublað ELSKA verður sérstaklega tileinkað Íslandi og er tökulið á vegum tímaritsins nú statt hérlendis.

Á fréttavefnum GayIceland er fjallað um þetta og rætt við ritstjóra tímaritsins, Liam Campell sem nú er staddur á Íslandi. Campell lætur sérdeilis vel af dvöl sinni á Íslandi og segir að einstaklega gefandi hafi verið að vinna með íslensku fyrirsætunum. Þeir eru teprulausir og tilbúnir til að gera það sem þarf, svo ljósmyndirnar komi sem best út.

„Við erum með 19 módel bókuð í tökur. Þetta eru karlmenn á öllum aldri, sá yngsti er tvítugur og sá elsti 54, allir búsettir á Íslandi en þó ekki allir íslenskir. Einn er frá Tyrklandi, annar frá Frakklandi og enn einn frá Brasilíu en allir hinir eru íslenskir af ætt og uppruna,“ segir þessi liðlega þrítugi Lundúnabúi en Liam Campell hafði ekki nokkra hugmynd um að Íslendingar væru eins fjölskrúðugir og raun ber vitni, segir blaðamaður GayIceland.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.