Bílar

Innköllun VW mun kosta 2.160 til 2.900 milljarða

Finnur Thorlacius skrifar
Mismiklar breytingar þarf að gera á bílunum sem innkallaðir verða.
Mismiklar breytingar þarf að gera á bílunum sem innkallaðir verða. Autoblog

Líklega er innköllun Volkswagen á dísilvélasvindslbílum fyrirtækisins sú kostnaðarsamasta sem nokkurt bílafyrirtæki hefur glímt við. Áætlað er að innköllunin muni kosta Volkswagen 15 til 20 milljarða evra, eða 2.160 til 2.900 milljarða króna.

Það ætti þó ekki að vera óyfirstíganlegt fyrir Volkswagen. Fyrirtækið á handbært fá uppá 18,6 milljarða evra við lok síðast árs og Volkswagen ætlar að skera niður þróunarkostnað uppá 1 milljarð evra til að mæta þessum mikla kostnaði. Öll kostnaðarsöm verkefni verða sett á ís, þ.e. öll þau verkefni sem ekki teljast bráðnauðsynleg.

Meirihluti af þeim bílum sem innkallaðir verða þurfa aðeins hugbúnaðruppfærslu en þó munu margar milljónir þeirra einnig þurfa vélbúnaðarbreytingu sem er miklu kostnaðarsamari. Búist er við því að þær breytingar muni taka meira en ár að laga, jafnvel lengri tíma.

Heyrst hefur að kostnaðarsömustu breytingar sem nauðsynlegar eru á þeim bílum sem breyta þurfi hvað mest muni kosta um 3.500 dollar á bíl, eða hátt í 450.000 kr. á hvern bíl. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.