Innlent

Níu handteknir í umfangsmiklu steramáli

Birgir Olgeirsson skrifar
Hluti þess sem lögreglan gerði upptækt í aðgerðum sínum.
Hluti þess sem lögreglan gerði upptækt í aðgerðum sínum. Lögreglan á höfuðborgarsvæðinu.

Níu manns voru handteknir í gær í viðamiklum aðgerðum lögreglunnar á höfuðborgarsvæðinu gegn innflutningi stera, sölu, dreifingu og framleiðslu þeirra. Þetta kemur fram í tilkynningu frá lögreglunni sem lagði hald á mikið magn af sterum, mest megnis í formi dufts og taflna, auk búnaðar af ýmsu tagi, meðal annars til framleiðslu stera.

Lögreglan tók einnig í sína vörslu fjármuni, sem grunur leikur að séu tilkomnir vegna fyrrnefndrar starfsemi. Húsleitir voru framkvæmdir á allnokkrum stöðum á höfuðborgarsvæðinu, og ein í Reykjanesbæ með aðstoð lögreglunnar á Suðurnesjum. Rannsókn málsins er umfangsmikil og hefur staðið yfir um nokkurt skeið, en hún er unnin í samvinnu við embætti tollstjóra. Sakborningarnir, sem nú eru lausir úr haldi lögreglu, eru flestir á fertugsaldri, en í þeim hópi er ein kona. Greint verður nánar frá magni stera sem haldlagðir voru þegar vigtun og talningu þeirra er lokið. Við húsleitirnar í gær var einnig lagt hald á stinningarlyf og marijúana.

Aðgerðir íslenskra lögregluyfirvalda voru hluti af alþjóðlegri lögregluaðgerð (Operation Underground) undir forystu Europol og bandarísku fíkniefnalögreglunnar, DEA. Í gær voru því samtímis í mörgum öðrum löndum framkvæmdar handtökur og húsleitir þar sem einnig var lagt hald á stera. Ráðist var gegn innflutningi stera frá framleiðendum í Kína, en lögreglan segir þá vera mjög stórtæka á þessu sviði. Lögreglan segir einnig rétt að hugleiða við hvaða aðstæður sterar eru framleiddir og meðhöndlaðir í Kína og segir þær geta verið varhugaverðar og sterarnir því hættulegir eftir því

Níu manns voru handteknir í gær í viðamiklum aðgerðum Lögreglunnar á höfuðborgarsvæðinu gegn innflutningi stera, sölu,...

Posted by Lögreglan á höfuðborgarsvæðinu on Wednesday, 2 September 2015

Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.