Körfubolti

Margrét Kara leitar sér að liði fyrir næsta tímabil

Óskar Ófeigur Jónsson skrifar
Margrét Kara Sturludóttir.
Margrét Kara Sturludóttir. Vísir/Daníel

Margrét Kara Sturludóttir, besti leikmaður úrvalsdeildar kvenna 2010-11, ætlar að taka fram skóna á næsta tímabili og spila í Domnios-deild kvenna í körfubolta en hún hefur ekki spilað hér á landi undanfarin þrjú tímabil.

Karfan.is segir frá þessu og í fréttinni kemur fram að hún sé ekki búin að ákveða sig með hvaða liði hún spilar á komandi tímabili.

Það eru örugglega mörg lið í Dominos-deild kvenna sem hafa áhuga á því að fá þennan kraftmikla og fjölhæfa leikmenn til liðs við sig fyrir átökin á næstu leiktíð.

Margrét Kara lék síðast með KR veturinn 2011-12 en þá var hún með 15,2 stig, 9,0 fráköst og 3,5 stoðsendingar að meðaltali í leik.

Margrét Kara hefur bæði orðið Íslandsmeistari með Keflavík (2008) og KR (2010) en veturinn 2010-11 var hún kosin leikmaður ársins eftir að hafa verið með 19,0 stig, 7,6 fráköst og 3,3 stoðsendingar að meðaltali í leik.

Margrét fór í barneignaleyfi tímabilið 2012 til 2013 og hefur síðustu misserin verið búsett í Noregi. Hún er núna á heimaleið og að leita sér að liði.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.