Körfubolti

Var með fleiri stoðsendingar en stig í seríunni

Óskar Ófeigur Jónsson skrifar
Pétur Rúnar Birgisson er hér búinn að finna mann í opnu færi.
Pétur Rúnar Birgisson er hér búinn að finna mann í opnu færi. Vísir/Andri Marinó

Pétur Rúnar Birgisson, 19 ára gamall leikstjórnandi Tindastóls, spilaði félaga sína vel uppi í undanúrslitaeinvíginu á móti Haukum sem Stólarnir kláruðu með sigri á Ásvöllum í gær.

Tindastólsliðið vann einvígið 3-1 og komst með því í lokaúrslitin í fyrsta sinn í fjórtán ár.

Pétur sem er að taka þátt í sinni fyrstu úrslitakeppni í úrvalsdeild gaf alls 31 stoðsendingu í leikjunum fjórum á móti Haukum sem gerir 7,8 stoðsendingar að meðaltali í leik.

Pétur gaf eina stoðsendingu fyrir hvert skot sem hann tók en hann hefur oft hitt betur en í Haukaeinvíginu. Pétur skoraði alls 27 stig í leikjunum fjórum og gaf því fleiri stoðsendingar en stig.

Pétur gaf mest 13 stoðsendingar í leik eitt en hann var með fimm stoðsendingar eða fleiri í öllum leikjunum fjórum.

Pétur er líka sá leikmaður sem hefur gefið flestar stoðsendingar að meðaltali í leik í úrslitakeppninni eða 6,6 að meðaltali í leik en hann er þar ofar en Baldur Þór Ragnarsson (6,33), Emil Barja (5,89), Justin Shouse (5,80) og  Stefan Bonneau (5,44)

Pétur hefur líka passað upp á boltann í úrslitakeppninni en hann er með 3,29 stoðsendingar á hvern tapaðan bolta.


Stig og stoðsendingar Péturs Rúnars Birgissonar í Haukaseríunni:

Leikur 1 á Króknum
5 stig og 13 stoðsendingar

Leikur 2 á Ásvöllum
8 stig og 7 stoðsendingar

Leikur 3 á Króknum
5 stig og 6 stoðsendingar

Leikur 4 á Ásvöllum
9 stig og 5 stoðsendingar


Flestar stoðsendingar að meðaltali í úrslitakeppninni:
1. Pétur Rúnar Birgisson, Tindastól 6,6
2. Baldur Þór Ragnarsson, Þór Þ. 6,3
3. Emil Barja, Haukum 5,9
4. Justin Shouse, Stjörnunni 5,8
5. Stefan Bonneau, Njarðvík 5,4
6. Brynjar Þór Björnsson, KR 5,0
7. Darrin Govens, Þór Þ. 4,3
8. Dagur Kár Jónsson, Stjörnunni 4,0
9. Kári Jónsson, Haukum 4,0
10.Jeremy Martez Atkinson, Stjörnunni 4,0


Tengdar fréttir

Fyrsta liðið til að vinna KR stórt í vetur

Njarðvíkingar jöfnuðu undanúrslitaeinvígi sitt á móti KR með því að vinna sextán stiga sigur á Íslands- og deildarmeisturunum úr Vesturbænum í Ljónagryfjunni í gær, 97-81.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.