Körfubolti

Mamman bauð öllu liðinu í kalkúnaveislu

Óskar Ófeigur Jónsson skrifar
Vísir/Stefán

Leikmenn og þjálfarar Snæfellsliðsins tala vel um hina 24 ára gömlu Kristen McCarthy sem er á sínu öðru ári í atvinnumennsku eftir að hafa spilað á Ítalíu í fyrra. Kristen er frábær leikmaður og frábær liðsfélagi og ekki var heimsókn móður hennar í nóvember að spilla mikið fyrir áliti Hólmara á McCarthy-fjölskyldunni.

Denise McCarthy, móðir Kristen, kom í heimsókn til Íslands í kringum þakkargjörðarhátíðina í nóvember og vildi að sjálfsögðu halda upp á þessa stóru hátíð í Bandaríkjunum með dóttur sinni.

Það var hins vegar ekki bara Kristen sem fékk klassíska kalkúnaveislu frá mömmu sinni heldur var öllu Snæfellsliðinu boðið í veislu sem verður lengi talað um í Hólminum en hún var haldin heima hjá Inga Þór þjálfara. Mamman keypti inn og eldaði ofan í allan mannskapinn. Heimsóknin hafði líka frábær áhrif á Kristen sem skoraði yfir þrjátíu stig í næstu fjórum leikjum liðsins.


Tengdar fréttir

Snæfellsstúlkur slógu við KR-piltum árið 2014

Karlalið KR vann 95 prósent deildarleikja á árinu en var samt ekki með hæsta sigurhlutfall íslenskra körfuboltaliða í deildarleikjum ársins. Snæfellskonur settu nýtt met á árinu 2014 með því að vinna 27 af 28 deildarleikjum sínum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.