Systur í Íslandsmetaformi á Reykjavíkurleikunum Óskar Ófeigur Jónsson skrifar 29. janúar 2014 08:00 Þuríður Erla Helgadóttir og Lilja Lind Helgadóttir sjást hér á æfingu í gær. Vísir/Valli Íslenskar lyftingakonur eru fyrir löngu búnar að brjóta niður alla múra og fordóma gagnvart lyftingum kvenna á Íslandi. Lyftingar eru líka fyrir stelpur og systurnar Þuríður Erla Helgadóttir og Lilja Lind Helgadóttir eru frábært dæmi um lyftingakonur sem eru að blómstra í baráttunni við lóðin. Þuríður Erla og Lilja Lind unnu báðar sína þyngdarflokka á RIG um síðustu helgi og slógu báðar Íslandsmet. Þuríður Erla Helgadóttir setti nýtt íslandsmet í lokatilraun sinni í jafnhendingu (93 kíló) og varð með þeirri lyftu stigahæsta lyftingakona mótsins. Lilja Lind Helgadóttir setti alls fjögur Íslandsmet í 75 kílóa+ flokki kvenna og er núna sú kona sem hefur lyft mestri þyngd yfir alla þyngdarflokka bæði í snörun og jafnhendingu.Ætli þetta sé ekki í genunum „Ætli þetta sé ekki eitthvað í genunum og svo höfum við báðar metnaðinn fyrir þessu. Ég er meira í krossfitinu en Lilja er búin að einblína aðeins meira á ólympískar lyftingar,“ segir Þuríður Erla kát með uppskeru helgarinnar. „Við erum komnir upp í alveg ágætar þyngdir. Ég er líka alveg hætt að vera hrædd við að bomba mér undir stöngina. Það var pínu fyrst þegar maður var að byrja og komin upp í hámarksþyngdir. Núna þegar tæknin er orðin miklu betri þá er maður ekki eins hræddur við það. Ég kann alveg að hoppa frá stönginni ef eitthvað klikkar,“ segir Þuríður. Stelpurnar eru í frábæru formi en þær segja að það séu alltaf fleiri stelpur að koma inn í lyftingarnar. „Já, ég er í góðu formi en ég er þó ekki komin með six-pack enn þá. Vonandi næ ég því einhvern tímann,“ segir Lilja hlæjandi. „Ég er alveg heilluð af þessu sporti. Þetta gerir mann sterkari og maður getur alltaf bætt sig,“ segir Lilja, en margir hafa trú á því að hún geti náð langt í þessu. „Hún er efni í keppniskonu á stórmótum í ólympískum lyftingum. Ég hef heyrt að Lilja eigi alveg erindi inn á Ólympíuleikana,“ segir Þuríður og þangað stefnir litla systir. „Ég væri alveg til í að komast á Evrópumótið sem er á þessu ári og svo vonandi verð ég með í Ríó árið 2016,“ segir Lilja og bætir við: „Þjálfarinn minn segir að ég eigi heima í þessu sporti og geti gert stóra hluti í framtíðinni. Það getur verið mjög stressandi að heyra slíkt og setur mikla pressu á mig. Þetta er bara gaman og ég reyni alltaf mitt besta,“ segir Lilja.Vísir/ValliÞuríður Erla verður 23 ára gömul á þessu ári og er því fimm árum eldri en Lilja. „Ég var í fimleikum þegar ég var lítil og svo í fótbolta og frjálsum þar til að ég byrjaði í krossfit fyrir þremur og hálfu ári. Ég hafði aðeins heyrt um þetta en svo fóru mamma og Lilja á grunnnámskeið. Ég var búin að vera meidd í hnénu og ákvað því að prufa eitthvað nýtt,“ segir Þuríður. „Við mamma byrjuðum á grunnnámskeiði í krossfit í mars fyrir næstum því fjórum árum. Fyrir tveimur árum fór ég síðan aðeins meira yfir í ólympískar lyftingar og hef síðan verið meira í því,“ segir Lilja um sögu sína í lyftingunum. Systurnar studdu hvor aðra á mótinu um helgina og hituðu upp saman en þar sem Lilja er meira í lyftingaprógrammi en Þuríður fylgir krossfitprógrammi þá æfa þær ekki mikið saman. „Ég væri alveg til í að æfa meira með henni,“ segir Þuríður.Mamman líka á fullu Móðir þeirra, Guðrún Sólveig Sigurgrímsdóttir, gefur dætrum sínum ekkert eftir í að æfa og keppa. „Mamma er alveg á fullu,“ segir Þuríður og Lilja tekur undir það. Þær mæðgur ræða oft það sem er í gangi í lyftingasalnum en hvað með föður þeirra? „Pabbi er ekki í þessu núna en vonandi kemur hann einhvern tímann inn,“ segir Lilja en eru þær orðnar sterkari en pabbi þeirra? „Já, smá,“ svarar Lilja og skellir upp úr. Fimleikar Íþróttir Mest lesið Hefur fest rætur á Íslandi eftir örlagaríkt símtal Íslenski boltinn Kvaddi stuðningsmennina og kenndi þeim lag um nýja stjórann Fótbolti Meistararnir úr leik eftir stærstu endurkomu sögunnar Körfubolti Kristján Guðmundsson: Aldrei brot og mjög slök frammistaða hjá dómurum leiksins Íslenski boltinn Gamli Íslandsvinurinn kraftaverkamaður í Mainz Fótbolti Endurkoma í lagi hjá BKG og elleftu heimsleikarnir í röð Sport „Þetta einvígi er rétt að byrja“ Handbolti Dagskráin í dag: Besta-deildin og úrslitaeinvígi Subway-deildarinnar Sport „Við erum búnir að skrifa okkur í sögubækurnar“ Fótbolti Schauffele hélt út og tryggði sér sigur með fugli á átjándu Golf Fleiri fréttir „Rúnar skilur fótbolta og skilur fólk“ Guardiola um framtíðina: Nær því að hætta en vera áfram Mark Quansah fyrir Liverpool bætti markametið Gamli Íslandsvinurinn kraftaverkamaður í Mainz Endurkoma í lagi hjá BKG og elleftu heimsleikarnir í röð Hefur fest rætur á Íslandi eftir örlagaríkt símtal Meistararnir úr leik eftir stærstu endurkomu sögunnar „Við erum búnir að skrifa okkur í sögubækurnar“ Dagskráin í dag: Besta-deildin og úrslitaeinvígi Subway-deildarinnar Kristján Guðmundsson: Aldrei brot og mjög slök frammistaða hjá dómurum leiksins Indiana Pacers í úrslit Austurdeildarinnar eftir sigur í oddaleik Schauffele hélt út og tryggði sér sigur með fugli á átjándu „Þetta einvígi er rétt að byrja“ „Þetta eru tvö dúndurlið“ „Þarf að sjá eld í staðinn fyrir einhverja hræðslu“ Hákon skoraði en Lille er á leið í umspil Bjarki og félagar bikarmeistarar fjórða árið í röð Kvaddi stuðningsmennina og kenndi þeim lag um nýja stjórann Lærisveinar Freys einum leik frá því að takast hið ómögulega Meistararnir köstuðu frá sér þriggja marka forystu Uppgjör: FH - Afturelding 29-32 | Mosfellingar taka forystuna Uppgjörið og viðtöl: Stjarnan - Breiðablik 3-4 | Rangur dómur réði úrslitum í framlengingu Uppgjör: Njarðvík - Keflavík 71-81 | Keflvíkingar nálgast titilinn Albert kom inn af bekknum er Genoa tapaði gegn tíu Rómverjum Valur og Þróttur flugu inn í átta liða úrslit Þetta gerðist í lokaumferðinni í enska | City meistari og Jóhann Berg kvaddi Martin og félagar einum sigri frá undanúrslitum Gummersbach heldur í Evrópuvon eftir sigur í Íslendingaslag Haukur og félagar lentir undir í úrslitaeinvíginu eftir vítakeppni Manchester City Englandsmeistari fjórða árið í röð Sjá meira
Íslenskar lyftingakonur eru fyrir löngu búnar að brjóta niður alla múra og fordóma gagnvart lyftingum kvenna á Íslandi. Lyftingar eru líka fyrir stelpur og systurnar Þuríður Erla Helgadóttir og Lilja Lind Helgadóttir eru frábært dæmi um lyftingakonur sem eru að blómstra í baráttunni við lóðin. Þuríður Erla og Lilja Lind unnu báðar sína þyngdarflokka á RIG um síðustu helgi og slógu báðar Íslandsmet. Þuríður Erla Helgadóttir setti nýtt íslandsmet í lokatilraun sinni í jafnhendingu (93 kíló) og varð með þeirri lyftu stigahæsta lyftingakona mótsins. Lilja Lind Helgadóttir setti alls fjögur Íslandsmet í 75 kílóa+ flokki kvenna og er núna sú kona sem hefur lyft mestri þyngd yfir alla þyngdarflokka bæði í snörun og jafnhendingu.Ætli þetta sé ekki í genunum „Ætli þetta sé ekki eitthvað í genunum og svo höfum við báðar metnaðinn fyrir þessu. Ég er meira í krossfitinu en Lilja er búin að einblína aðeins meira á ólympískar lyftingar,“ segir Þuríður Erla kát með uppskeru helgarinnar. „Við erum komnir upp í alveg ágætar þyngdir. Ég er líka alveg hætt að vera hrædd við að bomba mér undir stöngina. Það var pínu fyrst þegar maður var að byrja og komin upp í hámarksþyngdir. Núna þegar tæknin er orðin miklu betri þá er maður ekki eins hræddur við það. Ég kann alveg að hoppa frá stönginni ef eitthvað klikkar,“ segir Þuríður. Stelpurnar eru í frábæru formi en þær segja að það séu alltaf fleiri stelpur að koma inn í lyftingarnar. „Já, ég er í góðu formi en ég er þó ekki komin með six-pack enn þá. Vonandi næ ég því einhvern tímann,“ segir Lilja hlæjandi. „Ég er alveg heilluð af þessu sporti. Þetta gerir mann sterkari og maður getur alltaf bætt sig,“ segir Lilja, en margir hafa trú á því að hún geti náð langt í þessu. „Hún er efni í keppniskonu á stórmótum í ólympískum lyftingum. Ég hef heyrt að Lilja eigi alveg erindi inn á Ólympíuleikana,“ segir Þuríður og þangað stefnir litla systir. „Ég væri alveg til í að komast á Evrópumótið sem er á þessu ári og svo vonandi verð ég með í Ríó árið 2016,“ segir Lilja og bætir við: „Þjálfarinn minn segir að ég eigi heima í þessu sporti og geti gert stóra hluti í framtíðinni. Það getur verið mjög stressandi að heyra slíkt og setur mikla pressu á mig. Þetta er bara gaman og ég reyni alltaf mitt besta,“ segir Lilja.Vísir/ValliÞuríður Erla verður 23 ára gömul á þessu ári og er því fimm árum eldri en Lilja. „Ég var í fimleikum þegar ég var lítil og svo í fótbolta og frjálsum þar til að ég byrjaði í krossfit fyrir þremur og hálfu ári. Ég hafði aðeins heyrt um þetta en svo fóru mamma og Lilja á grunnnámskeið. Ég var búin að vera meidd í hnénu og ákvað því að prufa eitthvað nýtt,“ segir Þuríður. „Við mamma byrjuðum á grunnnámskeiði í krossfit í mars fyrir næstum því fjórum árum. Fyrir tveimur árum fór ég síðan aðeins meira yfir í ólympískar lyftingar og hef síðan verið meira í því,“ segir Lilja um sögu sína í lyftingunum. Systurnar studdu hvor aðra á mótinu um helgina og hituðu upp saman en þar sem Lilja er meira í lyftingaprógrammi en Þuríður fylgir krossfitprógrammi þá æfa þær ekki mikið saman. „Ég væri alveg til í að æfa meira með henni,“ segir Þuríður.Mamman líka á fullu Móðir þeirra, Guðrún Sólveig Sigurgrímsdóttir, gefur dætrum sínum ekkert eftir í að æfa og keppa. „Mamma er alveg á fullu,“ segir Þuríður og Lilja tekur undir það. Þær mæðgur ræða oft það sem er í gangi í lyftingasalnum en hvað með föður þeirra? „Pabbi er ekki í þessu núna en vonandi kemur hann einhvern tímann inn,“ segir Lilja en eru þær orðnar sterkari en pabbi þeirra? „Já, smá,“ svarar Lilja og skellir upp úr.
Fimleikar Íþróttir Mest lesið Hefur fest rætur á Íslandi eftir örlagaríkt símtal Íslenski boltinn Kvaddi stuðningsmennina og kenndi þeim lag um nýja stjórann Fótbolti Meistararnir úr leik eftir stærstu endurkomu sögunnar Körfubolti Kristján Guðmundsson: Aldrei brot og mjög slök frammistaða hjá dómurum leiksins Íslenski boltinn Gamli Íslandsvinurinn kraftaverkamaður í Mainz Fótbolti Endurkoma í lagi hjá BKG og elleftu heimsleikarnir í röð Sport „Þetta einvígi er rétt að byrja“ Handbolti Dagskráin í dag: Besta-deildin og úrslitaeinvígi Subway-deildarinnar Sport „Við erum búnir að skrifa okkur í sögubækurnar“ Fótbolti Schauffele hélt út og tryggði sér sigur með fugli á átjándu Golf Fleiri fréttir „Rúnar skilur fótbolta og skilur fólk“ Guardiola um framtíðina: Nær því að hætta en vera áfram Mark Quansah fyrir Liverpool bætti markametið Gamli Íslandsvinurinn kraftaverkamaður í Mainz Endurkoma í lagi hjá BKG og elleftu heimsleikarnir í röð Hefur fest rætur á Íslandi eftir örlagaríkt símtal Meistararnir úr leik eftir stærstu endurkomu sögunnar „Við erum búnir að skrifa okkur í sögubækurnar“ Dagskráin í dag: Besta-deildin og úrslitaeinvígi Subway-deildarinnar Kristján Guðmundsson: Aldrei brot og mjög slök frammistaða hjá dómurum leiksins Indiana Pacers í úrslit Austurdeildarinnar eftir sigur í oddaleik Schauffele hélt út og tryggði sér sigur með fugli á átjándu „Þetta einvígi er rétt að byrja“ „Þetta eru tvö dúndurlið“ „Þarf að sjá eld í staðinn fyrir einhverja hræðslu“ Hákon skoraði en Lille er á leið í umspil Bjarki og félagar bikarmeistarar fjórða árið í röð Kvaddi stuðningsmennina og kenndi þeim lag um nýja stjórann Lærisveinar Freys einum leik frá því að takast hið ómögulega Meistararnir köstuðu frá sér þriggja marka forystu Uppgjör: FH - Afturelding 29-32 | Mosfellingar taka forystuna Uppgjörið og viðtöl: Stjarnan - Breiðablik 3-4 | Rangur dómur réði úrslitum í framlengingu Uppgjör: Njarðvík - Keflavík 71-81 | Keflvíkingar nálgast titilinn Albert kom inn af bekknum er Genoa tapaði gegn tíu Rómverjum Valur og Þróttur flugu inn í átta liða úrslit Þetta gerðist í lokaumferðinni í enska | City meistari og Jóhann Berg kvaddi Martin og félagar einum sigri frá undanúrslitum Gummersbach heldur í Evrópuvon eftir sigur í Íslendingaslag Haukur og félagar lentir undir í úrslitaeinvíginu eftir vítakeppni Manchester City Englandsmeistari fjórða árið í röð Sjá meira