Innlent

Þúsundir mótmæla komu Julien Blanc til Íslands

Bjarki Ármannsson skrifar
Julien Blanc er afar umdeildur.
Julien Blanc er afar umdeildur.

Þúsundir Íslendinga hafa skrifað undir undirskriftasöfnun á Petitions24.com þess efnis að stöðva beri komu „stefnumótaþjálfarans“ Julien Blanc til landsins. Sá er mögulega væntanlegur til Íslands á næsta ári til að halda fyrirlestur um hvernig karlmenn geti „náð sér“ í konu.

Blanc er afar umdeildur vegna þeirra aðferða sem hann boðar að séu áhrifaríkar. Þær virðast margar hverjar fela í sér að beita konur ofbeldi af ýmsum gerðum. Á síðu undirskriftasöfnunarinnar er Blanc kallaður ofbeldismaður sem misnoti og niðurlægi konur. 

Þegar þetta er skrifað, hafa rúmlega 4.500 manns skrifað undir á síðunni Stoppum Julien Blanc! Blanc þurfti nýlega að stytta dvöl sína í Ástralíu, þar sem hann átti að halda fyrirlestra og námskeið, vegna mikilla mótmæla og undirskriftasöfnunar gegn honum og boðskapi hans.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.