Innlent

Þorsteinn Eggertsson textaskáld sæmdur gullmerki

Hanna Rún Sverrisdóttir skrifar
Jakob Frímann Magnússon tónlistarmaður segir að félagið hafi haldið athöfn á Nauthóli og þar hafi Gunnar Þórðarson, meðhöfundur Þorsteins til margra ára, flutt lag þeirraa "Ástarsælu“. Ýmsir félagar Þorsteins hafi einnig ávarpað hann af tilefninu.
Jakob Frímann Magnússon tónlistarmaður segir að félagið hafi haldið athöfn á Nauthóli og þar hafi Gunnar Þórðarson, meðhöfundur Þorsteins til margra ára, flutt lag þeirraa "Ástarsælu“. Ýmsir félagar Þorsteins hafi einnig ávarpað hann af tilefninu. mynd/Daníel Rúnarsson

Þorsteinn Eggertsson textaskáld var sæmdur gullmerki félags tónskálda og textahöfunda (FTT) og gerður að heiðursfélaga FTT.

Jakob Frímann Magnússon tónlistarmaður segir að félagið hafi haldið athöfn á Nauthóli og þar hafi Gunnar Þórðarson, meðhöfundur Þorsteins til margra ára, flutt lag þeirraa „Ástarsælu“. Ýmsir félagar Þorsteins hafi einnig ávarpað hann af tilefninu.

„Að lokinni athöfninni í Nauthóli settist Þorsteinn ásamt eiginkonu sinni Fjólu Ólafsdóttur tónlistarkennara upp í hvíta limmósínu sem ók þeim hjónum á Besstastaði,“ segir Jakob Frímann.

Hann segir að þar hafi Ólafur Ragnar Grímsson, forseti Íslands, tekið á móti þeim og fleiri félögum úr FTT. Móttaka forseta hafi verið haldin í tilefni útgáfu bókarinnar, Vatnaskil í hrynheimum sem kom út nýlega. Bókin byggi á fjölmörgum greinum og rannsóknum.

„FTT hefur að undanförnu haldið upp á afmælið sitt en formlegu afmælishaldi lauk í síðustu viku eftir fjölbreytilega flóru tónlistarviðburða og málþinga sem spönnuðu allt svið tónskálda og textahöfunda á vettvangi íslenskrar hryntónlistar,“ segir Jakob Frímann.

mynd/Daníel Rúnarsson


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.