Harmageddon

Þið sem hélduð að geitungar væru andstyggilegir

Frosti Logason skrifar
Mandarín vespur hafa nýverið dregið 21 manneskju til dauða í Kína.
Mandarín vespur hafa nýverið dregið 21 manneskju til dauða í Kína.

Eins og allir vita geta íslenskir geitungar verið hvimleiðir vágestir yfir sumartímann í görðum landsmanna. Fólk vill helst ekki hafa þessar skepnur neins staðar nálægt sér og svo virðist sem geitungarnir séu heldur ekkert hrifnir af okkur mannfólkinu. Af þessari sambúð getur skapast nokkurs konar stríðsástand.

En verra gæti það svo sannarlega verið. Samkvæmt nýlegum fregnum frá Kína hafa þar látist 21 manneskja, eingöngu í Shaanxi héraði, á síðastliðnum þremur mánuðum í kjölfarið á stungum þarlendra ættingja geitunganna.

Sökudólgurinn er talin vera hin vígalega Mandarín vespa (e. Asian giant hornets). Hún er heimsins stærsta vespa og ansi vígaleg á að líta. Eins og fregnir gefa til kynna er útlit hennar þó ekki hennar versti eiginleiki. Hún getur nefnilega dælt inn í fórnarlömb sín vænni gusu af mjög öflugu eitri. Eitrið er svo öflugt að það einfaldlega étur upp nýrun á þeim sem fyrir því verða.

Myndin hér að ofan sýnir fjórar dauðar drottningar af þessu kyni en þær eru reyndar talsvert stærri en hin almenna vinnuvespa, sem er algengari og fer auðvitað víðar.

Að neðan má svo sjá myndband af sambærilegum vespum í Japan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.