Innlent

Þór aðstoðaði Þórsnes

Varðskipið Þór kom fiskiskipinu Þórsnesi II SH 209  til aðstoðar eftir að landhelgisgæslunni barst hjálparbeiðni frá skipinu á sjötta tímanum í gærdag.

Þórsnes reyndist vera vélarvana um þrjár sjómílur VNV af Flatey á Breiðarfirði. Varðskipið var staðsett í um þrjátíu sjómílna fjarlægð frá Þórsnesi og hélt því samstundis til aðstoðar.

Gott veður var á staðnum og lítil hreyfing á fiskiskipinu sem er 233 brúttótonn að stærð og 32 metra langt. Þór var kominn að Þórsnesi um klukkan níu í gærkvöldi og dró fiskiskipið til Grundarfjarðar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira