Innlent

Grunur leikur á að íslenskur karlmaður hafi verið myrtur

Andri Ólafsson skrifar
Lögreglunni á höfuðborgarsvæðinu bárust nýlega ábendingar um að íslenskur karlmaður, fæddur 1983, hefði verið myrtur í Suður-Ameríku. Eftirgrennslan hefur hins vegar litlu skilað og upplýsingar um margt óljósar.

Maðurinn mun hafa verið á ferð um Brasilíu og Paragvæ síðast þegar til hans spurðist en ekkert er vitað um örlög hans eða afdrif síðan. En nokkrar vikur eru síðan síðast heyrtist frá honum. Lögreglan hefur reynt ýmilslegt, meðal annars látið Interpol lýsa eftir honum en það hefur litlu skilað. Til dæmis hefur engin formleg staðfesting fengist á því hvort maðurinn sé yfirhöfuð lífs eða liðinn.

Samkvæmt heimildum fréttastofu Stöðvar 2 óttast fjölskylda og aðstandendur mannsins hið versta og telja að ábendingar sem lögreglu hefur fengið, þess efnis að maðurinn hafi verið myrtur, séu trúverðugar. Enn hafa hins vegar engar staðfestingar fengist að utan og því hefur lögreglan varist allra frétta af málinu undanfarna daga.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið