Kántrípopp úr Borgarfirðinum Trausti Júlíusson skrifar 24. nóvember 2012 06:00 Tónlist. Grasasnar. Til í tuskið. Fossatún. Steinar Berg Ísleifsson er einn af afkastamestu plötuútgefendum Íslandssögunnar. Hann gaf út hundruð platna hjá plötuútgáfunum Steinari og Spori og var m.a. fyrsti útgefandi Stuðmanna, Spilverksins, Utangarðsmanna og Mezzoforte. Fyrir nokkrum árum sneri hann baki við tónlistarbransanum og stofnaði ferðaþjónustufyrirtæki í Borgarfirði. Nú hefur Steinar snúið aftur í tónlistina og í þetta skiptið í nýju hlutverki. Hann er söngvari og annar gítarleikari hljómsveitarinnar Grasasna og semur að auki nokkur lög og texta á fyrstu plötu sveitarinnar Til í tuskið, sem var að koma út. Tónlist Grasasna er kántrípopp með íslenskum textum. Yfirbragð plötunnar minnir einna helst á eldri plötur Brimklóar. Meirihluti laganna er erlendur, þrjú þeirra eru t.d. eftir John Prine. Steinar Berg semur tvö lög, m.a. eitt besta lag plötunnar Heimurinn og ég, við ljóð Steins Steinars. Tvö önnur ljóð eftir Stein eru á plötunni, Ræfilskvæði, sem Mannakorn tóku hér áður, og Í áfanga, en flestir textanna eru eftir Steinar Berg. Á heildina litið er þetta þokkalegasta kántrípoppplata, þótt hún sæti engum tíðindum. Steinar og félagar fá plús fyrir að vanda til verka. Þeir komast ágætlega frá söng og hljóðfæraleik, en auk þeirra koma nokkrir gestir við sögu, m.a. söngvararnir Bjartmar Guðlaugsson, Helgi Pétursson og Kristjana Stefánsdóttir, Dan Cassidy fiðluleikari og Guðmundur Steingrímsson harmonikkuleikari. Niðurstaða: Ágætis kántrípopp frá nýrri hljómsveit stórútgefandans fyrrverandi Steinars Berg.Steinar Berg, fyrrverandi stórútgefandi, snýr aftur í tónlistina og í þetta skiptið í nýju hlutverki. Hann er söngvari og annar gítarleikari hljómsveitarinnar Grasasna og semur að auki nokkur lög og texta á fyrstu plötu sveitarinnar Til í tuskið. Gagnrýni Mest lesið „Margir héldu að ég væri endanlega búinn að missa það“ Lífið Hvaða frambjóðandi er bestur í að flaka fisk? Lífið „Mönnum fannst fréttnæmt að hommi færi á hommabar“ Lífið Styrktist í trúnni eftir áfallið Lífið Balti var í hesthúsinu þegar Jason Statham hringdi Bíó og sjónvarp Forsetaáskorunin: „Held að geimverur sé á meðal vor“ Lífið Kristján hennar Höllu stefnir á fyrsta lanið á Bessastöðum Lífið Nýjasti rafvirki landsins fimmtug með ofurkrafta Lífið „Ómenntaður kúka kennslu sóði!“ Lífið Ætluðu að draga sig úr Eurovision fram á síðustu stundu Lífið Fleiri fréttir Ekkert mjálm í Unu Torfa og Sinfó Falleg tónlist GDRN hljómaði ekki nógu vel Love Lies Bleeding: Ekið af hraðbraut og út í skurð Mislukkuð sýning í Borgarleikhúsinu með góðum sprettum Knox Goes Away: Gamlir en ekki sigraðir Ripley: Listaverk Tom Ripleys fullkomnað Blue Lights: Fljúgandi start Sjá meira
Tónlist. Grasasnar. Til í tuskið. Fossatún. Steinar Berg Ísleifsson er einn af afkastamestu plötuútgefendum Íslandssögunnar. Hann gaf út hundruð platna hjá plötuútgáfunum Steinari og Spori og var m.a. fyrsti útgefandi Stuðmanna, Spilverksins, Utangarðsmanna og Mezzoforte. Fyrir nokkrum árum sneri hann baki við tónlistarbransanum og stofnaði ferðaþjónustufyrirtæki í Borgarfirði. Nú hefur Steinar snúið aftur í tónlistina og í þetta skiptið í nýju hlutverki. Hann er söngvari og annar gítarleikari hljómsveitarinnar Grasasna og semur að auki nokkur lög og texta á fyrstu plötu sveitarinnar Til í tuskið, sem var að koma út. Tónlist Grasasna er kántrípopp með íslenskum textum. Yfirbragð plötunnar minnir einna helst á eldri plötur Brimklóar. Meirihluti laganna er erlendur, þrjú þeirra eru t.d. eftir John Prine. Steinar Berg semur tvö lög, m.a. eitt besta lag plötunnar Heimurinn og ég, við ljóð Steins Steinars. Tvö önnur ljóð eftir Stein eru á plötunni, Ræfilskvæði, sem Mannakorn tóku hér áður, og Í áfanga, en flestir textanna eru eftir Steinar Berg. Á heildina litið er þetta þokkalegasta kántrípoppplata, þótt hún sæti engum tíðindum. Steinar og félagar fá plús fyrir að vanda til verka. Þeir komast ágætlega frá söng og hljóðfæraleik, en auk þeirra koma nokkrir gestir við sögu, m.a. söngvararnir Bjartmar Guðlaugsson, Helgi Pétursson og Kristjana Stefánsdóttir, Dan Cassidy fiðluleikari og Guðmundur Steingrímsson harmonikkuleikari. Niðurstaða: Ágætis kántrípopp frá nýrri hljómsveit stórútgefandans fyrrverandi Steinars Berg.Steinar Berg, fyrrverandi stórútgefandi, snýr aftur í tónlistina og í þetta skiptið í nýju hlutverki. Hann er söngvari og annar gítarleikari hljómsveitarinnar Grasasna og semur að auki nokkur lög og texta á fyrstu plötu sveitarinnar Til í tuskið.
Gagnrýni Mest lesið „Margir héldu að ég væri endanlega búinn að missa það“ Lífið Hvaða frambjóðandi er bestur í að flaka fisk? Lífið „Mönnum fannst fréttnæmt að hommi færi á hommabar“ Lífið Styrktist í trúnni eftir áfallið Lífið Balti var í hesthúsinu þegar Jason Statham hringdi Bíó og sjónvarp Forsetaáskorunin: „Held að geimverur sé á meðal vor“ Lífið Kristján hennar Höllu stefnir á fyrsta lanið á Bessastöðum Lífið Nýjasti rafvirki landsins fimmtug með ofurkrafta Lífið „Ómenntaður kúka kennslu sóði!“ Lífið Ætluðu að draga sig úr Eurovision fram á síðustu stundu Lífið Fleiri fréttir Ekkert mjálm í Unu Torfa og Sinfó Falleg tónlist GDRN hljómaði ekki nógu vel Love Lies Bleeding: Ekið af hraðbraut og út í skurð Mislukkuð sýning í Borgarleikhúsinu með góðum sprettum Knox Goes Away: Gamlir en ekki sigraðir Ripley: Listaverk Tom Ripleys fullkomnað Blue Lights: Fljúgandi start Sjá meira