Innlent

Strandaglópar á Súðavík

BBI skrifar
Súðavík að vetri til.
Súðavík að vetri til. Mynd/Brynjar

Það er álag á fólksflutningabátinn Ingólf, sem er í eigu Sjóferða Hafsteins og Kiddýjar á Ísafirði, þessa stundina. Báturinn sigldi í dag inn Álftafjörð til að sækja ríflega 30 einstaklinga sem voru strandaglópar á Súðavík, eins og fréttavefur bb.is greindi frá.

„Nú vorum við að skila þeim öllum til Ísafjarðar og lögðum strax af stað aftur því strandaglóparnir reyndust fleiri en ætlað var," segir Kiddý hjá Sjóferðum Hafsteins og Kiddýjar. Enn eru hér um bil 15 einstaklingar fastir í Súðavík þar sem Súðavíkurhlíð og Kirkjubólshlíð eru lokaðar vegna snjóflóða.

„Það er nú ekkert aftakaveður hér eins og er. En okkur skilst það eigi að versna um átta leytið," segir Kiddý.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira