Bartolotta líður eins og Rocky Balboa
ÍR-ingurinn Jommy Bartolotta var fluttur burt úr Röstinni í Grindavík í gær eftir að hafa orðið fyrir Grindvíkingnum, J´Nathan Bullock.
Bartolotta var að reyna að fiska ruðning á fyrrum NFL-leikmanninn en hefði betur sleppt því þar sem hann steinrotaðist.
„Þó svo að Bullock hafi óvart nefbrotið Bartalotta í kvöld þá er svolítið vafasamt að stíga í veg fyrir hann," skrifaði Grindvíkingurinn Sigurður Gunnar Þorsteinsson á twitter-síðu sína eftir leikinn.
Kappinn birti mynd af sér á Twitter í dag þar sem hann segir að sér líði eins og Rocky Balboa.
Skal engan undra miðað við útlitið á kappanum.
Tengdar fréttir
NFL-leikmaðurinn í Grindavík nefbraut James Bartolotta í kvöld
James Bartolotta, leikmaður ÍR, var fluttur með sjúkrabíl frá Grindavík eftir skelfilegt samstuð við J´Nathan Bullock í leik Grindavíkur og ÍR í Iceland Express deild karla í körfubolta í kvöld.
