Innlent

Íslendingar að huga að sínum vörnum sjálfir

Björn Þorláksson skrifar
MYND/Vísir

Íslendingar þurfa nú í auknum mæli að huga að sínum vörnum sjálfir. Þetta segir Valgerður Sverrisdóttir utanríkisráðherra.

Íbúar á Akureyri áttu þess kost í gærkvöld að spyrja alla oddvita listanna í Norðausturkjördæmi spurninga á borgarafundi í Sjallanum. Þátturinn var sýndur í beinni útsendingu hjá Sjónvarpi Norðurands - Enn fjórum. Sigurður E. Sigurðsson, yfiræknir gjörgæsludeildar á Fjórðungssjúkrahúsinu á Akureyri, notaði tækifærið í fyrirspurnatímanum og spurði flokkana út í björgunarþyrlu staðsetta utan höfuðborgarsvæðisins.

Allir oddvitar stjórnmálahreyfinganna í kjördæminu töldu mikilvægt að fá björgunarþyrlu sem fyrst. Þegar kom að utanríkisráðherra, Valgerði Sverrisdóttur, sagði hún sérstaklega mikilvægt að fá þyrlu norður vegna þeirrar stöðu sem komin væri upp í varnarmálum. Íslendingar hafi nú sjálfir auknu hlutverki að gegna í vörnum eigin lands.

Stj.mál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið