Erlent

Reid:Íraksstríðið er tapað

Úr myndasafni.
Úr myndasafni. MYND/AP
Harry Reid, leiðtogi demókrata í öldungadeild Bandaríkjaþings, sagði George Bush Bandaríkjaforseta á fundi í gær að hann teldi að Íraksstríðið væri tapað og að viðbótarherafli sem sendur hefði verið nýverið til Íraks hefði engu skilað.

Á blaðamannafundi í dag greindi Reid frá fundinum en til hans var efnt til að reyna að leysa deilu forsetans og þingsins um fjármögnun Íraksstríðsins. Meirihluti demókrata á þingi vill ekki samþykkja auknar fjárveitingar til aðgerðanna í Írak nema kveðið sé á um hvenær kalla eigi herinn heim. Bush hefur hótað beita neitunarvaldi gegn slíku frumvarpi.

Í gær, sama dag og fundurinn átti sér stað, létust nærri 200 manns í árásum í Bagdad og sagði Reid í dag að það benti til þess að herferð Bandaríkjahers síðustu mánuði hefði engu skilað.

Sagði Reid að forsetinn þyrfti að átta sig á því að stríðið í Írak myndi aðeins vinnast með pólitískum og efnahagslegum leiðum, en um 3200 bandarískir hermenn hafa nú fallið frá upphafi innrásar.

Írak
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið