Gera stuttmynd um miðaldra mann sem fær sér kúrekastígvél 2. janúar 2007 11:30 Hafsteinn Gunnar Sigurðsson undirbýr tökur á stuttmynd eftir handriti Huldars Breiðfjörð. MYND/Rósa Hafsteinn Gunnar Sigurðsson, nemi í kvikmyndaleikstjórn og handritsgerð við Columbia University í New York, er að vinna að spennandi verkefni um þessar mundir. Nú í janúar hefjast tökur á stuttmynd í leikstjórn Hafsteins en höfundur handrits er Huldar Breiðfjörð sem einnig er við kvikmyndanám í New York. „Myndin heitir Skröltormar og við Huldar erum búnir að ganga með hana nokkuð lengi í maganum. Við ákváðum loks að kýla á þetta og sóttum um hjá Kvikmyndamiðstöð Íslands og vorum að fá styrk sem gerir þetta að veruleika. Það er frábært að hafa svona verkefni að takast á við enda er það vinnan sem maður lærir mest af í þessum bransa," segir Hafsteinn sem vinnur að undirbúningi fyrir myndina þessa dagana. Tökur verða í Reykjavík í janúar og framleiðendur myndarinnar eru Mistery Ísland og meðframleiðandi er Zik Zak kvikmyndagerð. Huldar Breiðfjörð.„Þetta er stærsta verkefni sem ég hef unnið að sem leikstjóri svona umfangslega séð en þetta verður um 30 mínútna stuttmynd. Ég hef líka mikla trú á þessu handriti enda frábært að vinna með Huldari. Myndin segir sögu Antons, miðaldra bílasala sem hefur löngum látið sig dreyma um að eignast kúrekastígvél. Þegar hann sér Rúna Júl í sjónvarpinu í kúrekastígvélum þá lætur hann verða af því að fá sér flott kúrekastígvél, lætur drauminn rætast ef svo má segja. Myndin segir svo að miklu leyti frá viðbrögðum fólksins í kringum Anton við kúrekastígvélunum sem hann vill helst vera í öllum stundum. Eiginkona Antons, vinnufélagar og vinir hafa öll sína skoðun á þessari einmenningstísku Antons sem syndir ótrauður gegn straumnum, líklega í fyrsta sinn um ævina. Ég vil helst ekki segja meira um söguþráðinn en vísa til þess að þetta verður mannleg en meinfyndin og lágstemmd kómedía sem fjallar um það hvernig minnstu hlutir geta komið róti á vanabundið líf fólks og dregið fram þætti í fari þess sem að öllu jöfnu lítið ber á."Rúni Júl er fyrirmynd sögupersónunnar Antons, sem kaupir sér kúrekastígvél eftir að hann sér Rúna í einum slíkum.Það verður úrval íslenskra leikara í helstu hlutverkum í Skröltormum en Jóhann Sigurðarson fer með hlutverk Antons og í öðrum helstu hlutverkum er að finna Sigurð Skúlason, Pétur Einarsson, Svein Ólaf Gunnarsson og Lilju Þórisdóttur. „Það færir mér ómetanlega reynslu að vinna með þessu fólki, sérstaklega þar sem þetta er svona leikaramynd ef svo má segja, en auk þeirra bregður Rúnari Júlíussyni fyrir í myndinni. Rúnar og Davíð Þór Jónsson tónlistarmaður verða með tónlistina ásamt hljómsveitinni Flís. Það verður sem sagt allt vaðandi í frábæru fólki þarna í kringum mig og ég hlakka mikið til." Hafsteinn Gunnar staldrar ekki lengi við þar sem hann er á leiðinni aftur til New York strax að loknum tökum. „Já ég kem til með að klára myndina úti þar sem ég klippi með félaga mínum Kristjáni Loðmfjörð klippara. Við Kristján höfum verið lengi saman í þessu kvikmyndastússi og unnið að ýmsum verkefnum. Skröltormar verður svo tilbúin til sýninga í vor hér heima og fer vonandi á einhverjar stuttmyndahátíðir í framhaldinu af því." Mest lesið Steinunn vill fá Ásdísi með sér í „Kynbombuflokkinn“ Lífið „Ef við erum lausnamiðuð þá sköpum við tækifærin“ Lífið Bannaði Snorra að kjósa Arnar Þór Lífið Kosningavökur frambjóðenda: Hvar verða mestu fagnaðarlætin? Lífið Myndaveisla: Sjómannadagurinn í Reykjavík og Gummi Emil í koddaslag Lífið „Svo góð tilfinning að endurheimta sjálfa sig“ Tónlist Ofboðslega stolt af dóttur sinni Lífið Fékk að heyra að konur ættu ekki heima á sjó Lífið „Býr ekki lítil kerling innra með okkur öllum?“ Lífið Dóttir Jolie og Pitt vill ekki heita Pitt lengur Lífið Fleiri fréttir Balti var í hesthúsinu þegar Jason Statham hringdi Gleði og tilhlökkun fyrir fyrstu Filmu hátíðinni Anora hlaut Gullpálmann í ár Syngja með Grease á fyrstu skynsegin sýningu Íslandssögunnar Balti hélt að Pálmi myndi aldrei mæta Opinbera Hemsworth í hlutverki Geralt Egill mætti með barnabörnin á forsýningu Snertingar Stóðu upp og klöppuðu í fimm mínútur fyrir Ljósbroti Stjörnurnar vilja Spacey úr sjö ára útlegð Fundu föt við hæfi á síðustu stundu fyrir Cannes Fyrsta kitlan úr annarri seríu Rings of Power Sorgin allsráðandi í fyrstu stiklunni úr Ljósbrot Statham og Baltasar sameina krafta sína í væntanlegri hasarmynd Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Sjá meira
Hafsteinn Gunnar Sigurðsson, nemi í kvikmyndaleikstjórn og handritsgerð við Columbia University í New York, er að vinna að spennandi verkefni um þessar mundir. Nú í janúar hefjast tökur á stuttmynd í leikstjórn Hafsteins en höfundur handrits er Huldar Breiðfjörð sem einnig er við kvikmyndanám í New York. „Myndin heitir Skröltormar og við Huldar erum búnir að ganga með hana nokkuð lengi í maganum. Við ákváðum loks að kýla á þetta og sóttum um hjá Kvikmyndamiðstöð Íslands og vorum að fá styrk sem gerir þetta að veruleika. Það er frábært að hafa svona verkefni að takast á við enda er það vinnan sem maður lærir mest af í þessum bransa," segir Hafsteinn sem vinnur að undirbúningi fyrir myndina þessa dagana. Tökur verða í Reykjavík í janúar og framleiðendur myndarinnar eru Mistery Ísland og meðframleiðandi er Zik Zak kvikmyndagerð. Huldar Breiðfjörð.„Þetta er stærsta verkefni sem ég hef unnið að sem leikstjóri svona umfangslega séð en þetta verður um 30 mínútna stuttmynd. Ég hef líka mikla trú á þessu handriti enda frábært að vinna með Huldari. Myndin segir sögu Antons, miðaldra bílasala sem hefur löngum látið sig dreyma um að eignast kúrekastígvél. Þegar hann sér Rúna Júl í sjónvarpinu í kúrekastígvélum þá lætur hann verða af því að fá sér flott kúrekastígvél, lætur drauminn rætast ef svo má segja. Myndin segir svo að miklu leyti frá viðbrögðum fólksins í kringum Anton við kúrekastígvélunum sem hann vill helst vera í öllum stundum. Eiginkona Antons, vinnufélagar og vinir hafa öll sína skoðun á þessari einmenningstísku Antons sem syndir ótrauður gegn straumnum, líklega í fyrsta sinn um ævina. Ég vil helst ekki segja meira um söguþráðinn en vísa til þess að þetta verður mannleg en meinfyndin og lágstemmd kómedía sem fjallar um það hvernig minnstu hlutir geta komið róti á vanabundið líf fólks og dregið fram þætti í fari þess sem að öllu jöfnu lítið ber á."Rúni Júl er fyrirmynd sögupersónunnar Antons, sem kaupir sér kúrekastígvél eftir að hann sér Rúna í einum slíkum.Það verður úrval íslenskra leikara í helstu hlutverkum í Skröltormum en Jóhann Sigurðarson fer með hlutverk Antons og í öðrum helstu hlutverkum er að finna Sigurð Skúlason, Pétur Einarsson, Svein Ólaf Gunnarsson og Lilju Þórisdóttur. „Það færir mér ómetanlega reynslu að vinna með þessu fólki, sérstaklega þar sem þetta er svona leikaramynd ef svo má segja, en auk þeirra bregður Rúnari Júlíussyni fyrir í myndinni. Rúnar og Davíð Þór Jónsson tónlistarmaður verða með tónlistina ásamt hljómsveitinni Flís. Það verður sem sagt allt vaðandi í frábæru fólki þarna í kringum mig og ég hlakka mikið til." Hafsteinn Gunnar staldrar ekki lengi við þar sem hann er á leiðinni aftur til New York strax að loknum tökum. „Já ég kem til með að klára myndina úti þar sem ég klippi með félaga mínum Kristjáni Loðmfjörð klippara. Við Kristján höfum verið lengi saman í þessu kvikmyndastússi og unnið að ýmsum verkefnum. Skröltormar verður svo tilbúin til sýninga í vor hér heima og fer vonandi á einhverjar stuttmyndahátíðir í framhaldinu af því."
Mest lesið Steinunn vill fá Ásdísi með sér í „Kynbombuflokkinn“ Lífið „Ef við erum lausnamiðuð þá sköpum við tækifærin“ Lífið Bannaði Snorra að kjósa Arnar Þór Lífið Kosningavökur frambjóðenda: Hvar verða mestu fagnaðarlætin? Lífið Myndaveisla: Sjómannadagurinn í Reykjavík og Gummi Emil í koddaslag Lífið „Svo góð tilfinning að endurheimta sjálfa sig“ Tónlist Ofboðslega stolt af dóttur sinni Lífið Fékk að heyra að konur ættu ekki heima á sjó Lífið „Býr ekki lítil kerling innra með okkur öllum?“ Lífið Dóttir Jolie og Pitt vill ekki heita Pitt lengur Lífið Fleiri fréttir Balti var í hesthúsinu þegar Jason Statham hringdi Gleði og tilhlökkun fyrir fyrstu Filmu hátíðinni Anora hlaut Gullpálmann í ár Syngja með Grease á fyrstu skynsegin sýningu Íslandssögunnar Balti hélt að Pálmi myndi aldrei mæta Opinbera Hemsworth í hlutverki Geralt Egill mætti með barnabörnin á forsýningu Snertingar Stóðu upp og klöppuðu í fimm mínútur fyrir Ljósbroti Stjörnurnar vilja Spacey úr sjö ára útlegð Fundu föt við hæfi á síðustu stundu fyrir Cannes Fyrsta kitlan úr annarri seríu Rings of Power Sorgin allsráðandi í fyrstu stiklunni úr Ljósbrot Statham og Baltasar sameina krafta sína í væntanlegri hasarmynd Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Sjá meira