Innlent

Sigurður Pétursson leiðir Í-lista

Frá Ísafirði.
Frá Ísafirði.

Sigurður Pétursson, sagnfræðingur og kennari við Menntaskólann á Ísafirði, sigraði í prófkjöri prófkjöri Í-listans í Ísafjarðarbæ sem fram fór í gær. Hlaut hann 192 atkvæði í 1. sæti og alls 294 atkvæði.

Annar varð Magnús Reynir Guðmundsson, bæjarfulltrúi Frjálslynda flokksins í Ísafjarðarbæ með 122 atkvæði í 2. sæti og alls 203 atkvæði. Í þriðja sæti varð Arna Lára Jónsdóttir, stjórnmálafræðingur og verkefnisstjóri hjá Atvinnuþróunarfélagi Vestfjarða með 130 atkvæði í 3. sæti og alls 160 atkvæði og í fjórða sæti varð Jóna Benediktsdóttir, kennari á Ísafirði með alls 235 atkvæði í 1.-4. sæti. Kjörið er bindandi í fjögur fyrstu sætin.

Sigurður og Arna Lára koma úr röðum Samfylkingarinnar í Í - lista samstarfið en Jóna Benediktsdóttir er fulltrúi Vinstri grænna. 478 greiddu atvkæði í prófkjörinu. Þess má geta að Sigruður Pétursson er eiginmaður fráfarandi skólameistara Menntaskólans á Ísafirði, Ólínar Þorvarðardóttur.



Fréttir Frjálslyndi flokkurinn Innlent Samfylkingin Stj.mál Sveitarstjórnarmál Vinstri græn
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið