Greiningardeildir fara varlega 11. júlí 2004 00:01 Greiningardeildir bankanna eru varkárar í ráðgjöf sinni til fjárfesta þótt almennrar bjartsýni gæti um þróun efnahagslífsins. Verðbréf hafa hækkað hratt í verði á Íslandi á þessu ári. Úrvalsvísitalan stóð í 2.114 stigum í lok árs en var 2.978 atig við lok viðskipta á fimmtudaginn. Þetta er ríflega 40% hækkun frá áramótum. Meiri hækkun hér en erlendisÍ Vegvísi greiningardeildar Landsbankans á föstudaginn var hækkun úrvalsvísitölunnar á Íslandi borin saman við nokkrar vísitölur í löndunum í kringum okkur. Niðurstaðan er sú að vöxturinn á Íslandi hefur verið miklum mun öflugri. Danska vísitalan kemst næst Úrvalsvísitölunnar og hefur hækkað um níu prósent en almennt hafa hlutabréfavísitölur hækkað mjög lítið - eða jafnvel lækkað eins og gerst hefur í Þýskalandi, Bandaríkjunum og Bretlandi. Þótt gengið á hlutabréfamarkaði sé gott eru greiningardeildirnar varkárar - ef til vill minnugar þess æðis sem greip um sig á markaðinum í uppganginum á síðustu árum tíunda áratugarins þegar margir brenndu sig á of heitum hlutabréfamarkaði. Góð ráð dýrStóru bankarnir þrír senda reglulega frá sér verðmat í fyrirtækjum í Kauphöllinni og á síðustu vikum hafa KB banki og Íslandsbanki sent frá sér spár um afkomu hlutafélaga á þessu ári og Greiningardeild Landsbankans sendi í vikunni frá sér afkomuspá fyrir annan ársfjórðung. Gerður er skýr greinamunur á milli hlutverks greiningardeilda annars vegar og miðlara hins vegar. Verðmat greiningardeilda á að segja til um raunverulegt virði en ekki sveiflast til eftir huglægum þáttum svo sem eins og stemmningu á markaði. Þannig ganga greiningardeildirnar út frá því að hagnaður fyrirtækisins sé nægur til þess að fjárfesting skili sér í formi arðgreiðslna en ekki spákaupmennsku. Sínum augum lítur hver silfriðKB banki telur að einungis eitt fyrirtæki í Úrvalsvísitölunni, Össur, sé vanmetið á markaði og ráðleggur því kaup á hlutum í því félagi. Bankinn telur hins vegar að þrjú önnur fyrirtæki séu líkleg til þess að hækka hraðar en markaðurinn á næstu misserum. Það eru Bakkavör, Marel og Samherji. Í greiningu Íslandsbanka er hins vegar talið að tvö fyrirtæki í úrvalsvísitölunni, Og Vodafone og Opin kerfi, séu vanmetin og þar liggi því kauptækifæri. Það er áhugavert að KB banki hefur þveröfuga skoðuna á þessum tveimur fyrirtækjum og ráðleggur eigendum hlutafjár í þeim að selja. Landsbankinn er hins vegar nær skoðun Íslandsbanka og gerir ráð fyrir því að félögin muni á næstunni hækka hraðar heldur en markaðurinn í heild. Greiningardeildirnar ráðleggja fólki almennt að kaupa í félögum sem þær telja undirverðlagðar en svokölluð vogunarráðgjöf tekur tillit til þess að sveiflur á markaði eru ekki endilega alltaf í samræmi við raunverulegt verðmæti. Af þessum sökum líta fjárfestar til vogunarráðgjafarinnar við mat á því hvort fjárfesting geti skilað arði til skamms tíma. Ráðgjöf um að kaupa, selja eða halda í hlutabréf byggist á langtímahorfum fyrirtækjanna til að skila hagnaði miðað við óbreyttan rekstur. Sjávarútvegur í lægðGreiningardeildirnar þrjár eru ekki sammála um vogunarspá fyrir neitt fyrirtæki í úrvalsvísitölunni þótt taka verði tillit til þess að greiningardeildirnar hafa ekki gefið út vogunarspá fyrir öll fyrirtækin í vísitölunni. KB banki og Íslandsbanki eru hins vegar sammála um að gera ráð fyrir að sjávarútvegsfyrirtækin í vísitölunni; Grandi, SÍF, Vinnslustöðin og Þormóður Rammi, muni hækka minna en verðbréf almennt á næstunni. KB banki er þó öllu bjartsýnni um gengi SH og telur að verð þess fyrirtækis muni hækka ámóta mikið og markaðurinn í heild. Góðar horfur um hagnaðAlmennt gera greiningardeildirnar ráð fyrir góðum hagnaði fyrirtækja á markaði í ár. Aðeins sjávarútvegsfyrirtækin reka lestina í þeim efnum en ekki er gert ráð fyrir góðri afkomu í þeim geira í ár. Bankarnir sjálfir gera það gott. Íslandsbanki spáir KB banka 11,4 milljarða hagnaði, KB banki spáir Íslandsbanka 8,1 milljarði í hagnað. Bæði KB banki og Íslandsbanki gera ráð fyrir því að hagnaður Landsbanka verði í kringum átta milljarða króna. Burðarás er einnig talinn skila mjög góðum hagnaði; um átta milljörðum króna. Greiningardeildirnar eru einnig bjartsýnar fyrir hönd helstu útrásarfyrirtækjanna á markaðnum. Gert er ráð fyrir að hagnaður Actavis hækki úr ríflega 3,5 milljörðum í 5,5 til 6,8 milljarða. Greiningardeildirnar gera ráð fyrir að hagnaður Össurar fari úr um 330 milljónum í um 900 milljónir.Einnig er gert ráð fyrir að afkoma Bakkavarar, sem hagnaðist um tæplega 1,8 milljarða í fyrra, batni lítillega. thkjart@frettabladid.is Fréttir Innlent Viðskipti Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Þú varst aumingi ef þú fórst á hausinn en glæpamaður ef þú græddir“ Atvinnulíf Telja SKE hafa farið offari og hætta við kaupin Viðskipti innlent 441 sagt upp í sex hópuppsögnum Viðskipti innlent Alls ekki auðveld ákvörðun að selja Bjórböðin Viðskipti innlent Eitt glæsilegasta byggingarsvæði höfuðborgarsvæðisins Samstarf „Katrín Olga, þetta er eingöngu hálftími af þínu lífi“ Atvinnulíf „Hann eyðileggur alltaf alla stemningu um leið og hann kemur“ Atvinnulíf „Ég nenni ekki að standa í einhverju veseni“ Atvinnulíf Íslandsbanki greiðir 570 milljóna króna sekt Viðskipti innlent Að gera ekki algeng mistök sem stjórnandi í fyrsta sinn Atvinnulíf Fleiri fréttir 441 sagt upp í sex hópuppsögnum Alls ekki auðveld ákvörðun að selja Bjórböðin Telja SKE hafa farið offari og hætta við kaupin Íslandsbanki greiðir 570 milljóna króna sekt Bein útsending: „Hvað verður í matinn?“ Skrifuðu undir kaup Landsbankans á TM Reynslubolti í hótelrekstri færir sig um set Icelandair tekur skarpa dýfu niður fyrir útboðsgengi Verðbólgan tekur smá kipp upp á við Wise og Þekking orðin eitt Kínverski risinn sem herjar á evrópska neytendur Sögðu upp 82 starfsmönnum Hvetja fólk til að taka verðmerkingum í Hagkaup með fyrirvara Fjölda fólks sagt upp hjá Icelandair Kaldvík skráð á markað Ofgreiddar lífeyrisgreiðslur nærri tvöfölduðust á milli ára Dæla skyrinu af ísvélum á Skálinni Bein útsending: Framtíð EES til umræðu á þrjátíu ára afmæli Sker úr um hvort veitingamaður hafi mátt borga fyrir kókið Allir halda stjörnu og OTO fær viðurkenningu Ætla að bjóða vaxtalaus lán í aðdraganda mánaðamóta Muni gera meiri kröfur til áfengiskaupenda en flestir aðrir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Sjá meira
Greiningardeildir bankanna eru varkárar í ráðgjöf sinni til fjárfesta þótt almennrar bjartsýni gæti um þróun efnahagslífsins. Verðbréf hafa hækkað hratt í verði á Íslandi á þessu ári. Úrvalsvísitalan stóð í 2.114 stigum í lok árs en var 2.978 atig við lok viðskipta á fimmtudaginn. Þetta er ríflega 40% hækkun frá áramótum. Meiri hækkun hér en erlendisÍ Vegvísi greiningardeildar Landsbankans á föstudaginn var hækkun úrvalsvísitölunnar á Íslandi borin saman við nokkrar vísitölur í löndunum í kringum okkur. Niðurstaðan er sú að vöxturinn á Íslandi hefur verið miklum mun öflugri. Danska vísitalan kemst næst Úrvalsvísitölunnar og hefur hækkað um níu prósent en almennt hafa hlutabréfavísitölur hækkað mjög lítið - eða jafnvel lækkað eins og gerst hefur í Þýskalandi, Bandaríkjunum og Bretlandi. Þótt gengið á hlutabréfamarkaði sé gott eru greiningardeildirnar varkárar - ef til vill minnugar þess æðis sem greip um sig á markaðinum í uppganginum á síðustu árum tíunda áratugarins þegar margir brenndu sig á of heitum hlutabréfamarkaði. Góð ráð dýrStóru bankarnir þrír senda reglulega frá sér verðmat í fyrirtækjum í Kauphöllinni og á síðustu vikum hafa KB banki og Íslandsbanki sent frá sér spár um afkomu hlutafélaga á þessu ári og Greiningardeild Landsbankans sendi í vikunni frá sér afkomuspá fyrir annan ársfjórðung. Gerður er skýr greinamunur á milli hlutverks greiningardeilda annars vegar og miðlara hins vegar. Verðmat greiningardeilda á að segja til um raunverulegt virði en ekki sveiflast til eftir huglægum þáttum svo sem eins og stemmningu á markaði. Þannig ganga greiningardeildirnar út frá því að hagnaður fyrirtækisins sé nægur til þess að fjárfesting skili sér í formi arðgreiðslna en ekki spákaupmennsku. Sínum augum lítur hver silfriðKB banki telur að einungis eitt fyrirtæki í Úrvalsvísitölunni, Össur, sé vanmetið á markaði og ráðleggur því kaup á hlutum í því félagi. Bankinn telur hins vegar að þrjú önnur fyrirtæki séu líkleg til þess að hækka hraðar en markaðurinn á næstu misserum. Það eru Bakkavör, Marel og Samherji. Í greiningu Íslandsbanka er hins vegar talið að tvö fyrirtæki í úrvalsvísitölunni, Og Vodafone og Opin kerfi, séu vanmetin og þar liggi því kauptækifæri. Það er áhugavert að KB banki hefur þveröfuga skoðuna á þessum tveimur fyrirtækjum og ráðleggur eigendum hlutafjár í þeim að selja. Landsbankinn er hins vegar nær skoðun Íslandsbanka og gerir ráð fyrir því að félögin muni á næstunni hækka hraðar heldur en markaðurinn í heild. Greiningardeildirnar ráðleggja fólki almennt að kaupa í félögum sem þær telja undirverðlagðar en svokölluð vogunarráðgjöf tekur tillit til þess að sveiflur á markaði eru ekki endilega alltaf í samræmi við raunverulegt verðmæti. Af þessum sökum líta fjárfestar til vogunarráðgjafarinnar við mat á því hvort fjárfesting geti skilað arði til skamms tíma. Ráðgjöf um að kaupa, selja eða halda í hlutabréf byggist á langtímahorfum fyrirtækjanna til að skila hagnaði miðað við óbreyttan rekstur. Sjávarútvegur í lægðGreiningardeildirnar þrjár eru ekki sammála um vogunarspá fyrir neitt fyrirtæki í úrvalsvísitölunni þótt taka verði tillit til þess að greiningardeildirnar hafa ekki gefið út vogunarspá fyrir öll fyrirtækin í vísitölunni. KB banki og Íslandsbanki eru hins vegar sammála um að gera ráð fyrir að sjávarútvegsfyrirtækin í vísitölunni; Grandi, SÍF, Vinnslustöðin og Þormóður Rammi, muni hækka minna en verðbréf almennt á næstunni. KB banki er þó öllu bjartsýnni um gengi SH og telur að verð þess fyrirtækis muni hækka ámóta mikið og markaðurinn í heild. Góðar horfur um hagnaðAlmennt gera greiningardeildirnar ráð fyrir góðum hagnaði fyrirtækja á markaði í ár. Aðeins sjávarútvegsfyrirtækin reka lestina í þeim efnum en ekki er gert ráð fyrir góðri afkomu í þeim geira í ár. Bankarnir sjálfir gera það gott. Íslandsbanki spáir KB banka 11,4 milljarða hagnaði, KB banki spáir Íslandsbanka 8,1 milljarði í hagnað. Bæði KB banki og Íslandsbanki gera ráð fyrir því að hagnaður Landsbanka verði í kringum átta milljarða króna. Burðarás er einnig talinn skila mjög góðum hagnaði; um átta milljörðum króna. Greiningardeildirnar eru einnig bjartsýnar fyrir hönd helstu útrásarfyrirtækjanna á markaðnum. Gert er ráð fyrir að hagnaður Actavis hækki úr ríflega 3,5 milljörðum í 5,5 til 6,8 milljarða. Greiningardeildirnar gera ráð fyrir að hagnaður Össurar fari úr um 330 milljónum í um 900 milljónir.Einnig er gert ráð fyrir að afkoma Bakkavarar, sem hagnaðist um tæplega 1,8 milljarða í fyrra, batni lítillega. thkjart@frettabladid.is
Fréttir Innlent Viðskipti Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Þú varst aumingi ef þú fórst á hausinn en glæpamaður ef þú græddir“ Atvinnulíf Telja SKE hafa farið offari og hætta við kaupin Viðskipti innlent 441 sagt upp í sex hópuppsögnum Viðskipti innlent Alls ekki auðveld ákvörðun að selja Bjórböðin Viðskipti innlent Eitt glæsilegasta byggingarsvæði höfuðborgarsvæðisins Samstarf „Katrín Olga, þetta er eingöngu hálftími af þínu lífi“ Atvinnulíf „Hann eyðileggur alltaf alla stemningu um leið og hann kemur“ Atvinnulíf „Ég nenni ekki að standa í einhverju veseni“ Atvinnulíf Íslandsbanki greiðir 570 milljóna króna sekt Viðskipti innlent Að gera ekki algeng mistök sem stjórnandi í fyrsta sinn Atvinnulíf Fleiri fréttir 441 sagt upp í sex hópuppsögnum Alls ekki auðveld ákvörðun að selja Bjórböðin Telja SKE hafa farið offari og hætta við kaupin Íslandsbanki greiðir 570 milljóna króna sekt Bein útsending: „Hvað verður í matinn?“ Skrifuðu undir kaup Landsbankans á TM Reynslubolti í hótelrekstri færir sig um set Icelandair tekur skarpa dýfu niður fyrir útboðsgengi Verðbólgan tekur smá kipp upp á við Wise og Þekking orðin eitt Kínverski risinn sem herjar á evrópska neytendur Sögðu upp 82 starfsmönnum Hvetja fólk til að taka verðmerkingum í Hagkaup með fyrirvara Fjölda fólks sagt upp hjá Icelandair Kaldvík skráð á markað Ofgreiddar lífeyrisgreiðslur nærri tvöfölduðust á milli ára Dæla skyrinu af ísvélum á Skálinni Bein útsending: Framtíð EES til umræðu á þrjátíu ára afmæli Sker úr um hvort veitingamaður hafi mátt borga fyrir kókið Allir halda stjörnu og OTO fær viðurkenningu Ætla að bjóða vaxtalaus lán í aðdraganda mánaðamóta Muni gera meiri kröfur til áfengiskaupenda en flestir aðrir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Sjá meira