Framkvæmdum á Bakka fagnað

Upphafi framkvæmda vegna kísilmálmverksmiðju PCC á Bakka var fagnað við Húsavík í dag, þar sem klippt var á borða á Bakka.

Sigmundur Davíð Gunnlaugsson, forsætisráðherra, og Ragnheiður Elín Árnadóttir, iðnaðar- og viðskiptaráðherra, Kristján Þór Magnússon, sveitarstjóri Norðurþings, og Waldemar Preussner, eigandi PCC, klipptu á borðann í tilefni af áfanganum.

Í tilkynningu frá Íslandsbanka, sem kom að fjármögnun verksmiðjunnar, segir að hún muni skapa um 120 störf að ótöldum afleiddum störfum.