Erlent

Flóttamenn reknir úr lestarvögnum í Ungverjalandi

Samúel Karl Ólason skrifar
Flóttafólkið hélt að það væri að fara til Austurríkis, en þess í stað var lestin stöðvuð við Biscke þar sem starfræktar eru flóttamannabúðir.
Flóttafólkið hélt að það væri að fara til Austurríkis, en þess í stað var lestin stöðvuð við Biscke þar sem starfræktar eru flóttamannabúðir. Vísir/AFP
Í morgun fjölmenntu flóttamenn, sem flestir eru frá Sýrlandi, inn í Keleti lestarstöðina í Búdapest í Ungverjalandi í morgun, þegar hún var opnuð á ný eftir tveggja daga lokun. Þrátt fyrir að þeim hafi verið tilkynnt að engin lest væri  á leið til Vestur-Evrópu, fylltu þau lest í stöðinni. Á endanum var lestinni ekið af stað.

Flóttafólkið hélt að það væri að fara til Austurríkis, en þess í stað var lestin stöðvuð við Biscke þar sem starfræktar eru flóttamannabúðir. Tugir þeirra lögðust á lestarteinana til að mótmæla því að færa ætti þau í flóttamannabúðir. Lögregluþjónar í óeirðarbúningum með kylfur fjarlægðu fólkið úr lestinni.

Lögreglan hefur lýst lestarstöðinni við Biscke sem „aðgerðarsvæði“ og fjölmiðlafólk hefur verið rekið af vettvangi.

Samkvæmt Sky News bíða hundruð enn í Keleti í Búdapest eftir því að komast í lestir. Síðustu daga hafa þúsundir sofið við lestarstöðina, en minnst 150 þúsund flóttamenn hafa farið til Ungverjalands á þessu ári. Þaðan reyna þau að komast til annarra ríkja álfunnar.




Fleiri fréttir

Sjá meira


×