MÁNUDAGUR 26. SEPTEMBER NÝJAST 00:45

Arnold Palmer látinn

SPORT

Fjárfesting í hótelum virđist hamla íbúđauppbyggingu

 
Innlent
22:44 27. FEBRÚAR 2016

Fjárfesting í hótelum virðist að einhverju leyti hamla íbúðauppbyggingu. Mikil þörf er þó á hvoru tveggja og mikil áskorun fyrir hagstjórnina að mæta því.

Ný hótel spretta nú upp eins og gorkúlur um víðan völl og þykir sumum nóg um. Ekki síst í ljósi þess að á sama tíma hefur íbúðafjárfesting dregist saman, þvert á allar spár og mikla uppsafnaða þörf. Því er von að maður spyrji; Getur verið að íbúðauppbygging lýði fyrir þá miklu áherslu sem er á byggingu hótela?

Þessari spurningu var meðal annars velt upp á ráðstefnu um fasteignamarkaðinn í Hörpu í gær.

„Það er vafalaust eitthvað orsakasamband þarna á milli því að það eru sömu aðilar sem eru að byggja íbúðir og byggja hótel. En að því sögðu, ef markaðurinn fúnkerar ágætlega, þá ætti hann að geta brugðist við þörfinni fyrir báðu ef eftirspurnin er fyrir hendi," segir Konráð S. Guðjónsson hjá greiningardeild Arion banka.

Greiningardeildin áætlar að á landinu öllu muni hótelherbergjum muni fjölga um 2700 á næstu 5 árum sem yrði 56 prósent aukning.

Töluverð óvissa undirliggjandi
Konráð bendi á að þetta haldist í hendur við spá um 60 prósent fjölgun ferðamanna því búist er við að þeir geti orðið allt að tvær milljónir árið 2018. Undirliggjandi er þó töluvert mikil óvissa.

„Það verður að segjast eins og er að greiningaraðilar hafa ekki verið sérstaklega góðir í að spá fyrir um fjölda ferðamanna, þeir hafa iðullega vanspáð því. Það er því kannski ekki nema von að margir séu að rjúka til, hafa séð þessa miklu fjölgun og ætla að byggja hótel. Það er skiljanlegt,“ segir Konráð.

Það eru þó fleiri þættir en bara hótelbyggingar sem hafa áhrif á framboð íbúðahúsnæðis. Þeirra á meðal er byggingakostnaður og skortur á vinnuafli.

Frétt Stöðvar 2 um málið má sjá hér að ofan.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Fjárfesting í hótelum virđist hamla íbúđauppbyggingu
Fara efst