Eldri nemendur í Ingunnarskóla fá að mæta seinna með góðum árangri Ingibjörg Bára Sveinsdóttir skrifar 26. mars 2015 00:01 Í Ingunnarskóla. Guðlaug Erla Gunnarsdóttir skólastjóri segir það verða skoðað með opnum huga að seinka skóladeginum enn meira. FRÉTTABLAÐIÐ/PJETUR Að mæta snemma á morgnana í skólann dregur ekki bara úr námsgetu unglinga heldur er það beinlínis skaðlegt heilsu þeirra. Þetta skrifa fimm vísindamenn í aðsendri grein í Sænska Dagblaðinu. Vísindamennirnir vitna í rannsóknir sem gerðar voru við Háskólann í Minnesota í Bandaríkjunum á 9 þúsundum framhaldsskólanema sem sýna að eftir að skóladagurinn hófst klukkan 8.40 í stað 7.50 hækkuðu einkunnir þeirra samtímis því sem þeir sýndu minni merki um þreytu og þunglyndi. Koffínneysla nemanna minnkaði jafnframt. Í Bandaríkjunum byrjar skóladagurinn nú seinna í mörgum skólum. Í Ingunnarskóla í Grafarholti var skóladeginum seinkað hjá nemendum í 6. til 10. bekk síðastliðið haust. Í stað þess að mæta kl. 8.10 byrja þau skóladaginn kl. 8.30. Árangurinn hefur verið góður, að sögn Guðlaugar Erlu Gunnarsdóttur skólastjóra. „Krakkarnir eru alsælir með þetta. Þau koma hressari inn í skóladaginn, kennararnir segja að þau séu betur upplögð til vinnu og mæti frekar á réttum tíma. Það er einnig mikil ánægja í foreldrahópnum með þetta.“ Að sögn Guðlaugar voru nemendur í 10. bekk með hærri einkunnir á samræmdum prófum í haust heldur en í fyrra. „Það er kannski ekki hægt að mæla þetta á milli ára eftir svo skamman tíma en það verður fróðlegt að sjá hver reynslan verður í framhaldinu.“ Kennarar fá einnig meiri sveigjanleika, að því er Guðlaug greinir frá. „Það á við þegar þeir þurfa að koma aðeins fyrr til að undirbúa eitthvað en við gerum þetta fyrst og fremst fyrir krakkana.“ Hugmyndin að því að seinka skóladeginum kom frá fulltrúa foreldra í skólaráði síðastliðið vor. „Viðkomandi hafði lesið um rannsóknir á þessu og það tóku allir vel í þetta í skólaráðinu, ekki síst fulltrúar nemenda.“ Guðlaug segir það hafa verið rætt að seinka skóladeginum enn meira. „Það er að vísu flókið að seinka honum meira út af tómstundum krakkanna síðdegis en það kemur allt til greina. Við skoðum þetta með opnum huga.“Björg ÞorleifsdóttirBjörg Þorleifsdóttir, lektor í lífeðlisfræði við læknadeild Háskóla Íslands, segir að þó nokkrar rannsóknir hafi leitt í ljós að unglingum henti betur að byrja seinna en fyrr. „Þetta er alltaf tengt lengri svefni en ekki tímasetningunni sem slíkri. Það er talið að unglingar þurfi 9 klukkustunda svefn og alls ekki minna en 8 klukkustunda svefn. Ef þeir byrja í skólanum kl. 8 þurfa þeir að vakna kl. 7. Til að fá 8 klukkustunda svefn þurfa þeir að vera sofnaðir kl. 23. Það er langt frá því að vera normið í þessu samfélagi.“ Kortlagning á svefnvenjum Íslendinga hófst í janúar síðastliðnum, að sögn Bjargar. „Við leggjum mikla áherslu á að skoða aldurshópinn 10 til 20 ára til að sjá hvernig svefnmynstrið er. Við spyrjum um líðan í skóla og um árangur, koffínneyslu og tölvunotkun meðal annars. Við erum að reyna að skoða þetta í samhengi. Því fleiri sem taka þátt þeim mun betri upplýsingar fáum við.“ Björg tekur það fram að hópurinn sem stendur að rannsókninni sé þeirrar skoðunar að mögulega hafi það áhrif að lífsklukkan sé á skjön við staðarklukkuna ásamt fleiri þáttum. Mest lesið Auglýsa eftir „eiganda“ fjármuna Innlent Trump líklegur til að græða á úrskurði Hæstaréttar Erlent Ögurstund og opnunarhóf hjá frambjóðendum Innlent Útlagar spreyjaðir gylltir Innlent Framboðslistar opinberaðir eftir helgi Innlent „Breiðholt mesta fátæktargildra landsins“ Innlent Sigríði þykir ólíklegt að hún nái undirskriftum Innlent Glæsileg þjóðbúningamessa á Hvolsvelli Innlent Helga Þórisdóttir komin með lágmarksfjölda meðmæla Innlent Pétur Einarsson leikari látinn Innlent Fleiri fréttir Framboðslistar opinberaðir eftir helgi Auglýsa eftir „eiganda“ fjármuna Glæsileg þjóðbúningamessa á Hvolsvelli Ögurstund og opnunarhóf hjá frambjóðendum Forsetaslagurinn, leit að eiganda fjármuna og rjómablíða Fjölbreytt verkefni hjá björgunarsveitum í dag Útlagar spreyjaðir gylltir Helga Þórisdóttir komin með lágmarksfjölda meðmæla Sinueldur í Reykjanesbæ Pétur Einarsson leikari látinn Kólnar á öllu landinu eftir óvenjugóðan fyrsta sumardag „Ákveðnar efasemdir um ákveðna þætti“ Fimm teravött af orku og 20 milljarðar í samgöngur Seltjarnarnesbær gengur frá sölu á Safnatröð Sigríði þykir ólíklegt að hún nái undirskriftum Umdeilt frumvarp, íslenskan og sumarveðrið Eiríkur og Bjarni takast á um nefnd um íslenska tungu Ræða mest málefni íslenskunnar á fundum enskumælandi ráðs Tíu sektaðir vegna notkunar nagladekkja „Breiðholt mesta fátæktargildra landsins“ Segir borgarstjóra óttalegan vettling Vilja taka upp auðlindagjald að hætti Norðmanna „Dapurlegt“ að andstæðingar bólusetninga hafi svo mikil áhrif Stefnir í sólríkan og hlýjan sumardag fyrsta víða um land Eigendur sjókvíaeldis þurfa ekki að greiða auðlindagjald Tveir létust í banaslysi í Eyjafirði Veturinn sá kaldasti síðan 1999 Vill rjúfa framkvæmdastopp í orkumálum Kári Stefánsson, ákall um vaxtalækkun og hinsegin list Skemmtiferðaskip um tíu metrum frá strandi við Viðey Sjá meira
Að mæta snemma á morgnana í skólann dregur ekki bara úr námsgetu unglinga heldur er það beinlínis skaðlegt heilsu þeirra. Þetta skrifa fimm vísindamenn í aðsendri grein í Sænska Dagblaðinu. Vísindamennirnir vitna í rannsóknir sem gerðar voru við Háskólann í Minnesota í Bandaríkjunum á 9 þúsundum framhaldsskólanema sem sýna að eftir að skóladagurinn hófst klukkan 8.40 í stað 7.50 hækkuðu einkunnir þeirra samtímis því sem þeir sýndu minni merki um þreytu og þunglyndi. Koffínneysla nemanna minnkaði jafnframt. Í Bandaríkjunum byrjar skóladagurinn nú seinna í mörgum skólum. Í Ingunnarskóla í Grafarholti var skóladeginum seinkað hjá nemendum í 6. til 10. bekk síðastliðið haust. Í stað þess að mæta kl. 8.10 byrja þau skóladaginn kl. 8.30. Árangurinn hefur verið góður, að sögn Guðlaugar Erlu Gunnarsdóttur skólastjóra. „Krakkarnir eru alsælir með þetta. Þau koma hressari inn í skóladaginn, kennararnir segja að þau séu betur upplögð til vinnu og mæti frekar á réttum tíma. Það er einnig mikil ánægja í foreldrahópnum með þetta.“ Að sögn Guðlaugar voru nemendur í 10. bekk með hærri einkunnir á samræmdum prófum í haust heldur en í fyrra. „Það er kannski ekki hægt að mæla þetta á milli ára eftir svo skamman tíma en það verður fróðlegt að sjá hver reynslan verður í framhaldinu.“ Kennarar fá einnig meiri sveigjanleika, að því er Guðlaug greinir frá. „Það á við þegar þeir þurfa að koma aðeins fyrr til að undirbúa eitthvað en við gerum þetta fyrst og fremst fyrir krakkana.“ Hugmyndin að því að seinka skóladeginum kom frá fulltrúa foreldra í skólaráði síðastliðið vor. „Viðkomandi hafði lesið um rannsóknir á þessu og það tóku allir vel í þetta í skólaráðinu, ekki síst fulltrúar nemenda.“ Guðlaug segir það hafa verið rætt að seinka skóladeginum enn meira. „Það er að vísu flókið að seinka honum meira út af tómstundum krakkanna síðdegis en það kemur allt til greina. Við skoðum þetta með opnum huga.“Björg ÞorleifsdóttirBjörg Þorleifsdóttir, lektor í lífeðlisfræði við læknadeild Háskóla Íslands, segir að þó nokkrar rannsóknir hafi leitt í ljós að unglingum henti betur að byrja seinna en fyrr. „Þetta er alltaf tengt lengri svefni en ekki tímasetningunni sem slíkri. Það er talið að unglingar þurfi 9 klukkustunda svefn og alls ekki minna en 8 klukkustunda svefn. Ef þeir byrja í skólanum kl. 8 þurfa þeir að vakna kl. 7. Til að fá 8 klukkustunda svefn þurfa þeir að vera sofnaðir kl. 23. Það er langt frá því að vera normið í þessu samfélagi.“ Kortlagning á svefnvenjum Íslendinga hófst í janúar síðastliðnum, að sögn Bjargar. „Við leggjum mikla áherslu á að skoða aldurshópinn 10 til 20 ára til að sjá hvernig svefnmynstrið er. Við spyrjum um líðan í skóla og um árangur, koffínneyslu og tölvunotkun meðal annars. Við erum að reyna að skoða þetta í samhengi. Því fleiri sem taka þátt þeim mun betri upplýsingar fáum við.“ Björg tekur það fram að hópurinn sem stendur að rannsókninni sé þeirrar skoðunar að mögulega hafi það áhrif að lífsklukkan sé á skjön við staðarklukkuna ásamt fleiri þáttum.
Mest lesið Auglýsa eftir „eiganda“ fjármuna Innlent Trump líklegur til að græða á úrskurði Hæstaréttar Erlent Ögurstund og opnunarhóf hjá frambjóðendum Innlent Útlagar spreyjaðir gylltir Innlent Framboðslistar opinberaðir eftir helgi Innlent „Breiðholt mesta fátæktargildra landsins“ Innlent Sigríði þykir ólíklegt að hún nái undirskriftum Innlent Glæsileg þjóðbúningamessa á Hvolsvelli Innlent Helga Þórisdóttir komin með lágmarksfjölda meðmæla Innlent Pétur Einarsson leikari látinn Innlent Fleiri fréttir Framboðslistar opinberaðir eftir helgi Auglýsa eftir „eiganda“ fjármuna Glæsileg þjóðbúningamessa á Hvolsvelli Ögurstund og opnunarhóf hjá frambjóðendum Forsetaslagurinn, leit að eiganda fjármuna og rjómablíða Fjölbreytt verkefni hjá björgunarsveitum í dag Útlagar spreyjaðir gylltir Helga Þórisdóttir komin með lágmarksfjölda meðmæla Sinueldur í Reykjanesbæ Pétur Einarsson leikari látinn Kólnar á öllu landinu eftir óvenjugóðan fyrsta sumardag „Ákveðnar efasemdir um ákveðna þætti“ Fimm teravött af orku og 20 milljarðar í samgöngur Seltjarnarnesbær gengur frá sölu á Safnatröð Sigríði þykir ólíklegt að hún nái undirskriftum Umdeilt frumvarp, íslenskan og sumarveðrið Eiríkur og Bjarni takast á um nefnd um íslenska tungu Ræða mest málefni íslenskunnar á fundum enskumælandi ráðs Tíu sektaðir vegna notkunar nagladekkja „Breiðholt mesta fátæktargildra landsins“ Segir borgarstjóra óttalegan vettling Vilja taka upp auðlindagjald að hætti Norðmanna „Dapurlegt“ að andstæðingar bólusetninga hafi svo mikil áhrif Stefnir í sólríkan og hlýjan sumardag fyrsta víða um land Eigendur sjókvíaeldis þurfa ekki að greiða auðlindagjald Tveir létust í banaslysi í Eyjafirði Veturinn sá kaldasti síðan 1999 Vill rjúfa framkvæmdastopp í orkumálum Kári Stefánsson, ákall um vaxtalækkun og hinsegin list Skemmtiferðaskip um tíu metrum frá strandi við Viðey Sjá meira