Ekki hćgt ađ lćkka gjöld fyrir Hörpu

 
Innlent
08:30 18. ÁGÚST 2012
Styr hefur stađiđ um rekstur Hörpu, en árleg fasteignagjöld eru rúmlega tvöfalt hćrri en áćtlanir gerđu ráđ fyrir.
Styr hefur stađiđ um rekstur Hörpu, en árleg fasteignagjöld eru rúmlega tvöfalt hćrri en áćtlanir gerđu ráđ fyrir. FRÉTTABLAĐIĐ/GVA

Reykjavíkurborg getur ekki gefið Hörpu afslátt af fasteignagjöldum eins og Pétur J. Eiríksson, stjórnarformaður Portusar, eignarhaldsfélags Hörpu, kallaði eftir í Fréttablaðinu fyrr í vikunni. Þetta segir aðstoðarmaður borgarstjóra.

Árleg fasteignagjöld Hörpu eru 380 milljónir, en áætlanir rekstrarfélagsins gerðu ráð fyrir að greiða um 180 milljónir árlega.

„Álagning fasteignagjalda er ekki geðþóttaákvörðun,“ segir S. Björn Blöndal, aðstoðarmaður borgarstjóra, í samtali við Fréttablaðið. „Þar gengur eitt yfir alla. Harpa er mjög stórt hús sem borgar fasteignagjöld í samræmi við það.“

Mismunurinn milli áætlana og þess sem svo varð, skýrist af því að miðað var við svokallað rekstrarvirði og vísað í fordæmi Smáralindarinnar.

Björn segir að það vinnulag hafi verið borið undir yfirfasteignamatsnefnd sem skar úr um að slíkt væri ekki heimilt. „Þess vegna er álagningin með þessum hætti. Það má líka taka fram að á öllum stigum málsins bentu fulltrúar borgarinnar á að afar ólíklegt væri að þetta stæðist.“

Pétur sagði í vikunni að ef ekki næðust samningar um að létta fasteignagjöldum af Hörpu gætu eigendur hússins, ríki og borg, þurft að taka yfir reksturinn.

Björn sagði engar slíkar viðræður hafa átt sér stað.

„Ég sé ekki að það bæti neitt að ríki og borg taki þetta yfir. Verkefnið er nú að sjá hvort hægt sé að gera breytingar á rekstrinum til að loka þessu gati sem er. Við þurfum að vinna í því núna.“
- þj


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Ekki hćgt ađ lćkka gjöld fyrir Hörpu
Fara efst