FÖSTUDAGUR 27. MAĶ NŻJAST 22:00

Bśiš aš finna 23 óhreina į ÓL ķ London

SPORT

Eišur Smįri: Heyrši fyrst af įhuga Real Madrid

 
Fótbolti
12:23 04. FEBRŚAR 2016
Eišur Smįri meš žeim Thierry Henry og Samuel Eto'o įriš 2008.
Eišur Smįri meš žeim Thierry Henry og Samuel Eto'o įriš 2008. VĶSIR/GETTY

Eiður Smári Guðjohnsen er í ítarlegu viðtali í nýjasta tölublaði Four Four Two þar sem hann svarar spurningum lesenda.

Eiður Smári gekk í raðir Barcelona árið 2006 eftir sex ára dvöl hjá Chelsea og var næstu þrjú árin hjá Börsungum þar sem hann varð spænskur meistari, bikarmeistari og Evrópumeistari með félaginu.

En það hefði jafnvel getað farið á þann veg að Eiður Smári hefði þess í stað gengið í raðir Real Madrid.

„Miðað við það sem mér var sagt á þeim tíma þá var að minnsta kosti áhugi hjá Real Madrid,“ sagði Eiður Smári í viðtalinu.

„Fyrsta spænska liðið sem sýndi mér áhuga var Real Madrid. En félagið var að kjósa nýjan forseta og var ekki með þjálfara. Ég velti því fyrir mér hversu mikil alvara var í þessu enda vissi ég þá ekki hvernig hlutirnir virka á Spáni,“ sagði hann.

Sjá einnig: Ætli Eiður Smári sé nokkuð með sama einkaþjálfara í dag og fyrir tíu árum?

„Þegar Barcelona kom til sögunnar með allt til staðar og nýbúið að vinna Meistaradeildina hugsaði ég strax að ég vildi klára það mál - hvar á ég að skrifa undir?“

„Ég hafði heyrt orðróm um Barcelona í eitt ár, frá því að við í Chelsea höfðum slegið þá úr leik í Meistaradeildinni.“

Ekki hægt að keppa við Larsson
Hann segir einnig að hann hafi ekki áttað sig á því fyrr en eftir að hann kom til félagsins að honum hafi verið ætlað að fylla í skarð Svíans Henrik Larsson.

„Ég gerði mér grein fyrir því að við værum báðir frá Norðurlöndunum og með sama númerið á treyjunni,“ sagði Eiður Smári.

„Það skipti ekki máli þó að mér myndi takast að koma inn á sem varamaður og skora sigurmarkið. Það væri eins og að Henrik Larsson hefði gert það í öðrum hverjum leik. Þannig mundi fólkið eftir honum og það var ekki hægt fyrir mig að keppa við það.“

Sjá einnig: Eiður Smári átti tvisvar möguleika á að fara til Manchester United

„En þrátt fyrir fann ég ekki fyrir pressu út af þessu. Það var nógu mikil pressa á mér bara við það eitt að ganga til liðs við Barcelona.“

Ekki hægt að ná boltanum aftur
Hann segir enn fremur að æfingarnar hjá Barcelona hafi verið í háum gæðaflokki, þó svo að æfingarnar hjá Chelsea hafi verið það líka.

„Það skipti engu máli hversu fastar sendingar maður gaf, móttakan var alltaf fullkomin. Og ef maður var í því liði sem var ekki með boltann var ekki séns að fá hann.“


Deila
Athugiš. Allar athugasemdir eru į įbyrgš žeirra er žęr rita. Vķsir hvetur lesendur til aš halda sig viš mįlefnalega umręšu. Einnig įskilur Vķsir sér rétt til aš fjarlęgja ęrumeišandi eša ósęmilegar athugasemdir.

 

MEST LESIŠ

  • Nżjast į Vķsi
  • Mest Lesiš
  • Fréttir
  • Sport
  • Višskipti
  • Lķfiš
Forsķša / Sport / Fótbolti / Eišur Smįri: Heyrši fyrst af įhuga Real Madrid
Fara efst