MIĐVIKUDAGUR 29. JÚNÍ NÝJAST 08:33

Liverpool, Tottenham og Leicester sögđ vilja frá Ragga Sig

SPORT

Deilu flugumferđarstjóra vísađ til ríkissáttasemjara

 
Innlent
13:52 23. FEBRÚAR 2016
Formađur Félags íslenskra flugumferđarstjóra segir enga framtíđ í ţví ađ halda flugumferđarstjórum niđri í launum.
Formađur Félags íslenskra flugumferđarstjóra segir enga framtíđ í ţví ađ halda flugumferđarstjórum niđri í launum. VÍSIR/ANTON BRINK.

Kjaradeilu Félags íslenskra flugumferðarstjóra við Isavia, sem annast rekstur allra flugvalla hér á landi, hefur verið vísað til ríkissáttasemjara. Er um að ræða sameiginlega ákvörðun samninganefndar flugumferðarstjóra og samninganefndar Samtaka atvinnulífsins, sem fer með samningsumboðið fyrir Isavia, sem var tekin fyrir hádegi í dag.

Formaður Félags íslenskra flugumferðarstjóra, Sigurjón Jónasson, segir að viðræðum hafi miðað afar hægt og menn sammála um að lengra verður ekki komist í bili. Spurður hvaða samningsatriði það eru sem standa í mönnum segist hann vilja ekki tjá sig um kröfur flugumferðarstjóra í fjölmiðlum.

Hins vegar segir hann enga framtíð í því fyrir flugumferðarstjóra eða ferðamennsku til og frá landinu að halda flugumferðarstjóra niðri í launum og í mikilli eftirvinnu.

„Vegna þess að fjölgun í stéttinni er í miklu ósamræmi við þetta álag sem hefur hvolfst yfir okkur á undanförnum misserum. Fyrir flugumferðarstjóra, alveg eins og farþegana sem á þá treysta, þá er hóflegt vinnuálag og eðlilegur hvíldartími mjög mikilvægur og viðsemjendur okkar verða einfaldlega að sýna þessum grundvallar atriðum okkar skilning,“ segir Sigurjón. 

Gert er ráð fyrir að ríkissáttasemjari boðið til fundar í næstu viku. 


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Deilu flugumferđarstjóra vísađ til ríkissáttasemjara
Fara efst