Davíð Oddsson býður sig fram til forseta Íslands sunna karen sigurþórsdóttir skrifar 8. maí 2016 09:53 Nái Davíð Oddsson kjöri hefur hann náð einstakri þrennu; borgarstjóri í Reykjavík, forsætisráðherra og forseti Íslands. vísir/ernir Davíð Oddsson, ritstjóri Morgunblaðsins og fyrrverandi forsætisráðherra, hyggst bjóða sig fram til embættis forseta Íslands. Frá þessu greindi Davíð í þættinum Sprengisandi á Bylgjunni í morgun. Davíð segist ekki hafa íhugað framboðið lengi. Örfáir dagar séu síðan hann fór að velta því fyrir sér og segist hafa tekið lokaákvörðun í gær. Hann telur reynslu sína og þekkingu nýtast vel í starfi forseta. Aðspurður sagðist hann ekki geta svarað til um hvort ákvörðun Ólafs Ragnars Grímssonar, forseta Íslands, hafi skipt máli í ákvarðanatöku sinni. „Ég get ekki svarað þessu með afgerandi hætti vegna þess að það er svo stutt síðan ég fór eiginlega að láta þetta mál ná einhverjum tökum á mér. Ég hef lesið um það að ég hafi verið að velta þessu fyrir mér með hópi manna, það er ekki rétt. Það er eins og ég segi örfáir dagar frá því ég fór að velta þessu fyrir mér, en auðvitað skiptir máli hvort að sitjandi forseti býður sig fram eða ekki,“ sagði Davíð í viðtalinu. Hann hafi verið nokkuð ánægður með Ólaf, þeir þekkist vel, en að sjálfur hafi hann ekki kosið hann. Ólafur hafi verið ákveðinn öryggisventill á óvissutímum.Eins og fasteign - engir faldir gallar Aðspurður sagðist Davíð ætla að draga sig í hlé frá ritstjórnarstörfum á Morgunblaðinu. „Ég tel að eftir að menn eru orðnir frambjóðendur til þessa starfs þá verði þeir að fara varlega og reyna að gæta hófs og sýna sanngirni. En mér finnst nauðsynlegt að það sé vitað hvaða menn eru á ferðinni, fyrir hvað þeir standa og hvað þeir hugsanlega geta eða geta ekki,“ sagði Davið. „Ég sjálfur er þannig að langstærstur hluti þjóðarinnar þekkir mig mjög vel. Þekkir vonandi mína kosti og þekkir vel mína mörgu galla. Þannig að ef þú lítur á mig sem fasteign þá er ég ekki með neina falda galla. Það er heldur betur andstæðingum mínum í gegnum tíðina búið að útmála þá galla upp um alla veggi.“ Davíð sagði hans helstu kosti þá að hann getur brugðist við. Hann sé til staðar þegar á reynir og að það sé forseti sem þjóðin þurfi. Ekki sé verið að leita eftir manni sem geti flutt „fróðlegt spjall“. „Verða að vera menn sem þjóðin veit að þegar virkilega á reynir, getur brugðist við og þá verða það að vera menn sem eru þekktir fyrir það að geta tekið ákvörðun, láta engan rugla í sér, láta engan hagga sér, engan hræra í sér. Það eru þess háttar menn sem þjóðin hlýtur að horfa til,“ sagði Davíð. Það séu hans helstu eiginleikar sem hann telji sig oftast nær hafa nýtt til góðs. „Einhver kann að segja stundum ekki til góðs, en oftast nær til góðs. Þeir myndu nýtast vel og auk þess held ég að mitt viðhorf sem er jafnframt það að ég væri kominn til að láta gott af mér leiða og sé góðviljaður og kominn til að stilla til friðar með mönnum sem ég hef sýnt hvarvetna þrátt fyrir að þrátt fyrir að ég sé þekktur fyrir að vera ákveðinn að það hefur gengið.“ Helstu gallar hans gætu verið þeir að hann hafi verið lengi í pólitík. „[M]enn teldu að ég hefði verið lengi í pólitík og hafi verið þar afgerandi og fengið fólk upp á móti mér en ég hef átt mjög gott að starfa með andstæðingum mínum í pólitík, betur heldur en nokkrir aðrir enda hefur enginn haldið sömu ríkisstjórn lengur í þessu landi heldur en ég.“ Þá var hann spurður hvort hann hefði einhver tengsl við aflandsfélög. „Nei, ég ef því miður aldrei verið svo fjáður eða hugmyndaríkur að eignast það. Ég man ég var með ávísunarreikning, svo ég játi nú, í Cambridge í sumarskóla 1966 eða 1967. Þá fór maður með ávísun í banka og lagði inn á bankareikning þar og borgaði svo með ávísunum.“ Davíð hefur verið nefndur sem mögulegur frambjóðandi, án þess þó að hann hafi staðfest það sjálfur – fyrr en nú. Sögusagnirnar urðu enn háværari eftir að ítarleg úttekt á áhrifum Davíðs á íslenskt samfélag í tveggja opnu skoðunargrein Hannesar Hólmsteins Gissurarsonar birtist í Morgunblaðinu síðastliðinn laugardag. Samkvæmt könnun sem Frjáls verslun gerði dagana 26. apríl og 1. maí er Davíð með tveggja prósenta fylgi, en þátttakendur voru spurðir hvern þeir vildu sem forseta ef þeir mættu nefna hvaða Íslending sem er. Nái Davíð kjöri hefur hann náð einstakri þrennu; borgarstjóri í Reykjavík, forsætisráðherra og forseti Íslands. Davíð er fjórtándi til að bjóða sig fram til embættisins, en aldrei í sögunni hafa eins margir boðið sig fram til forseta Íslands. Hægt er að hlusta á Bylgjuna í beinni útsendingu í vefspilara hér á Vísi. Forsetakosningar 2016 Tengdar fréttir Páll Magnússon tekur við Sprengisandi á Bylgjunni „Ég er mjög spenntur fyrir því að byrja með þennan þátt.“ 3. maí 2016 15:41 Mest lesið María Sigrún birtir tölvupósta Dags Innlent Hjól undan strætó braut svalir á annarri hæð Innlent Meint framhjáhald og sambandsslit í stunguárásarmáli Innlent Neyðast óvænt til að tæma laugina Innlent „Kastljós á ekki að vera Staksteinar“ Innlent Vildi heimsækja krabbameinssjúka móður sína en vísað úr landi Innlent Skúli Tómas sinnir sjúklingum af og til Innlent Halla Hrund áfram efst Innlent Ákvörðun Seðlabankans sé óskiljanleg Innlent Efstar með ómarktækan mun á milli sín Innlent Fleiri fréttir Býður þjóðarhöll Færeyja undir landsleiki Íslands Reykjavík lækkar gjaldskrár vegna þjónustu við barnafjölskyldur Fylgjast grannt með gangi mála Margt bendi til þess að gosinu sé lokið María Sigrún birtir tölvupósta Dags „Á endanum snýst þetta allt um peninga“ Sækja veikan sjómann Eldur í iðnaðarhúsnæði á Höfða Efstar með ómarktækan mun á milli sín Fjögurra bíla árekstur efst í Ártúnsbrekku Björn Leví segir Harald hafa fundið skálkaskjól í orðum Bjarna Flæði innan við einn rúmmetri á sekúndu „Ég hafna því að við séum ekki að sinna velferð dýra á þessum bæ” Ákvörðun Seðlabankans sé óskiljanleg „Ríkisfjármálin eru í ruglinu“ Atvinnubílstjórar sýni minnstu tillitssemina Orkuveitan skilar Elliðaárdalnum Stuðningsmenn Katrínar áhugasamari en aðrir Lengri lokun þar sem kerfið hefur „hangið á bláþræði“ Skúli Tómas sinnir sjúklingum af og til „Allir að bíða eftir þessum atburði sem ekki skeður“ Nýborin lömb finnist dauð og deyjandi úr vosbúð „Hef haft áhyggjur af fangelsismálum frá því ég kom í embætti“ „Kastljós á ekki að vera Staksteinar“ Kannabis en ekki kjólar í kassanum Halla Hrund áfram efst Fjöldaúrsagnir kvenna úr mannkyninu Leki kom að bát út af Barða Óbreyttir stýrivextir, fangamál og dræmt Eurovision áhorf Forsetaefni tókust á um forsetavaldið Sjá meira
Davíð Oddsson, ritstjóri Morgunblaðsins og fyrrverandi forsætisráðherra, hyggst bjóða sig fram til embættis forseta Íslands. Frá þessu greindi Davíð í þættinum Sprengisandi á Bylgjunni í morgun. Davíð segist ekki hafa íhugað framboðið lengi. Örfáir dagar séu síðan hann fór að velta því fyrir sér og segist hafa tekið lokaákvörðun í gær. Hann telur reynslu sína og þekkingu nýtast vel í starfi forseta. Aðspurður sagðist hann ekki geta svarað til um hvort ákvörðun Ólafs Ragnars Grímssonar, forseta Íslands, hafi skipt máli í ákvarðanatöku sinni. „Ég get ekki svarað þessu með afgerandi hætti vegna þess að það er svo stutt síðan ég fór eiginlega að láta þetta mál ná einhverjum tökum á mér. Ég hef lesið um það að ég hafi verið að velta þessu fyrir mér með hópi manna, það er ekki rétt. Það er eins og ég segi örfáir dagar frá því ég fór að velta þessu fyrir mér, en auðvitað skiptir máli hvort að sitjandi forseti býður sig fram eða ekki,“ sagði Davíð í viðtalinu. Hann hafi verið nokkuð ánægður með Ólaf, þeir þekkist vel, en að sjálfur hafi hann ekki kosið hann. Ólafur hafi verið ákveðinn öryggisventill á óvissutímum.Eins og fasteign - engir faldir gallar Aðspurður sagðist Davíð ætla að draga sig í hlé frá ritstjórnarstörfum á Morgunblaðinu. „Ég tel að eftir að menn eru orðnir frambjóðendur til þessa starfs þá verði þeir að fara varlega og reyna að gæta hófs og sýna sanngirni. En mér finnst nauðsynlegt að það sé vitað hvaða menn eru á ferðinni, fyrir hvað þeir standa og hvað þeir hugsanlega geta eða geta ekki,“ sagði Davið. „Ég sjálfur er þannig að langstærstur hluti þjóðarinnar þekkir mig mjög vel. Þekkir vonandi mína kosti og þekkir vel mína mörgu galla. Þannig að ef þú lítur á mig sem fasteign þá er ég ekki með neina falda galla. Það er heldur betur andstæðingum mínum í gegnum tíðina búið að útmála þá galla upp um alla veggi.“ Davíð sagði hans helstu kosti þá að hann getur brugðist við. Hann sé til staðar þegar á reynir og að það sé forseti sem þjóðin þurfi. Ekki sé verið að leita eftir manni sem geti flutt „fróðlegt spjall“. „Verða að vera menn sem þjóðin veit að þegar virkilega á reynir, getur brugðist við og þá verða það að vera menn sem eru þekktir fyrir það að geta tekið ákvörðun, láta engan rugla í sér, láta engan hagga sér, engan hræra í sér. Það eru þess háttar menn sem þjóðin hlýtur að horfa til,“ sagði Davíð. Það séu hans helstu eiginleikar sem hann telji sig oftast nær hafa nýtt til góðs. „Einhver kann að segja stundum ekki til góðs, en oftast nær til góðs. Þeir myndu nýtast vel og auk þess held ég að mitt viðhorf sem er jafnframt það að ég væri kominn til að láta gott af mér leiða og sé góðviljaður og kominn til að stilla til friðar með mönnum sem ég hef sýnt hvarvetna þrátt fyrir að þrátt fyrir að ég sé þekktur fyrir að vera ákveðinn að það hefur gengið.“ Helstu gallar hans gætu verið þeir að hann hafi verið lengi í pólitík. „[M]enn teldu að ég hefði verið lengi í pólitík og hafi verið þar afgerandi og fengið fólk upp á móti mér en ég hef átt mjög gott að starfa með andstæðingum mínum í pólitík, betur heldur en nokkrir aðrir enda hefur enginn haldið sömu ríkisstjórn lengur í þessu landi heldur en ég.“ Þá var hann spurður hvort hann hefði einhver tengsl við aflandsfélög. „Nei, ég ef því miður aldrei verið svo fjáður eða hugmyndaríkur að eignast það. Ég man ég var með ávísunarreikning, svo ég játi nú, í Cambridge í sumarskóla 1966 eða 1967. Þá fór maður með ávísun í banka og lagði inn á bankareikning þar og borgaði svo með ávísunum.“ Davíð hefur verið nefndur sem mögulegur frambjóðandi, án þess þó að hann hafi staðfest það sjálfur – fyrr en nú. Sögusagnirnar urðu enn háværari eftir að ítarleg úttekt á áhrifum Davíðs á íslenskt samfélag í tveggja opnu skoðunargrein Hannesar Hólmsteins Gissurarsonar birtist í Morgunblaðinu síðastliðinn laugardag. Samkvæmt könnun sem Frjáls verslun gerði dagana 26. apríl og 1. maí er Davíð með tveggja prósenta fylgi, en þátttakendur voru spurðir hvern þeir vildu sem forseta ef þeir mættu nefna hvaða Íslending sem er. Nái Davíð kjöri hefur hann náð einstakri þrennu; borgarstjóri í Reykjavík, forsætisráðherra og forseti Íslands. Davíð er fjórtándi til að bjóða sig fram til embættisins, en aldrei í sögunni hafa eins margir boðið sig fram til forseta Íslands. Hægt er að hlusta á Bylgjuna í beinni útsendingu í vefspilara hér á Vísi.
Forsetakosningar 2016 Tengdar fréttir Páll Magnússon tekur við Sprengisandi á Bylgjunni „Ég er mjög spenntur fyrir því að byrja með þennan þátt.“ 3. maí 2016 15:41 Mest lesið María Sigrún birtir tölvupósta Dags Innlent Hjól undan strætó braut svalir á annarri hæð Innlent Meint framhjáhald og sambandsslit í stunguárásarmáli Innlent Neyðast óvænt til að tæma laugina Innlent „Kastljós á ekki að vera Staksteinar“ Innlent Vildi heimsækja krabbameinssjúka móður sína en vísað úr landi Innlent Skúli Tómas sinnir sjúklingum af og til Innlent Halla Hrund áfram efst Innlent Ákvörðun Seðlabankans sé óskiljanleg Innlent Efstar með ómarktækan mun á milli sín Innlent Fleiri fréttir Býður þjóðarhöll Færeyja undir landsleiki Íslands Reykjavík lækkar gjaldskrár vegna þjónustu við barnafjölskyldur Fylgjast grannt með gangi mála Margt bendi til þess að gosinu sé lokið María Sigrún birtir tölvupósta Dags „Á endanum snýst þetta allt um peninga“ Sækja veikan sjómann Eldur í iðnaðarhúsnæði á Höfða Efstar með ómarktækan mun á milli sín Fjögurra bíla árekstur efst í Ártúnsbrekku Björn Leví segir Harald hafa fundið skálkaskjól í orðum Bjarna Flæði innan við einn rúmmetri á sekúndu „Ég hafna því að við séum ekki að sinna velferð dýra á þessum bæ” Ákvörðun Seðlabankans sé óskiljanleg „Ríkisfjármálin eru í ruglinu“ Atvinnubílstjórar sýni minnstu tillitssemina Orkuveitan skilar Elliðaárdalnum Stuðningsmenn Katrínar áhugasamari en aðrir Lengri lokun þar sem kerfið hefur „hangið á bláþræði“ Skúli Tómas sinnir sjúklingum af og til „Allir að bíða eftir þessum atburði sem ekki skeður“ Nýborin lömb finnist dauð og deyjandi úr vosbúð „Hef haft áhyggjur af fangelsismálum frá því ég kom í embætti“ „Kastljós á ekki að vera Staksteinar“ Kannabis en ekki kjólar í kassanum Halla Hrund áfram efst Fjöldaúrsagnir kvenna úr mannkyninu Leki kom að bát út af Barða Óbreyttir stýrivextir, fangamál og dræmt Eurovision áhorf Forsetaefni tókust á um forsetavaldið Sjá meira
Páll Magnússon tekur við Sprengisandi á Bylgjunni „Ég er mjög spenntur fyrir því að byrja með þennan þátt.“ 3. maí 2016 15:41