Brotið jólatré: Borgarstjóri spyr hvernig bjarga megi jólunum

Jólatréð á Austurvelli fékk að kenna á því í óveðrinu í gærkvöldi. Góður hluti af efri hluta trésins brotnaði af og stjarnan hékk í miðju trénu.

Til stóð að tendra tréð í gær, fyrsta sunnudag í aðventu, en sökum slæmrar veðurspár var ákveðið að fresta tendrun trésins um viku. Dagur B. Eggertsson, borgarstjóri í Reykjavík, spyr á Facebook-síðu sinni hvort borgarbúar hafi hugmyndir hvernig megi „bjarga jólunum“. Ljóst sé að það þurfi að hafa hraðar hendur.