Breskt tundurdufl fannst viđ Álftafjörđ

 
Innlent
14:47 03. JANÚAR 2016
Dufliđ er taliđ breskt, úr seinni heimsstyrjöld og inniheldur sennilega 225 kíló af sprengiefninu TNT.
Dufliđ er taliđ breskt, úr seinni heimsstyrjöld og inniheldur sennilega 225 kíló af sprengiefninu TNT. MYND/KARL EINARSSON

Þyrla Landhelgisgæslunnar er um þessar mundir á leið á Starmýrartanga við Álftafjörð þar sem vegfarendur fundu gamalt tundurdufl í gær. Duflið er talið breskt, úr seinni heimsstyrjöld og inniheldur sennilega 225 kíló af sprengiefninu TNT.

Sigurður Ásgrímsson, yfirmaður sprengjudeildar Landhelgisgæslunnar, segir að dufl hafi nokkrum sinnum í gegnum tíðina fundist í sandfjörunni á Starmýrartanga. Þekkt er að dufl hafi rekið þangað á stríðsárunum í brimi og grafist í sandinn, þar sem þau færast lítið og varðveitast vel.

„Þetta hefur rekið á land einhvern tímann í kringum 1950 eða eitthvað,“ segir Sigurður um duflið, sem vegfarendur komu auga á í fjörunni í gær. „Það var ákveðið að bregðast strax við á meðan þetta væri ofan jarðar, þetta gæti farið í næsta brimi eða hvenær sem er.“

Síðast þegar Sigurður heyrði í teyminu var þyrlan að taka eldsneyti á Höfn í Hornafirði. Að sprengja duflið tekur um klukkutíma ef allt gengur eftir samkvæmt áætlun. Sigurður segir að það taki þó lengri tíma ef það þarf að opna duflið.

„Stundum koma nokkur á ári, stundum líða ár þar sem það finnst ekki neitt,“ segir Sigurður, aðspurður hversu sjaldgæfir þessir fundir séu. „Ég fór einu sinni á þetta svæði fyrir mörgum árum og þá tókum við fimm dufl í einu.“

Karl Einarsson er einn þeirra sem komu auga á duflið í gær og hann tók myndina með þessari frétt.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Breskt tundurdufl fannst viđ Álftafjörđ
Fara efst