SUNNUDAGUR 25. SEPTEMBER NÝJAST 15:44

Kusu nýja stjórn Kvennahreyfingar Samfylkingarinnar

FRÉTTIR

Bílaleigubílum fjölgar í takt viđ fjölgun ferđamanna

 
Innlent
13:08 29. FEBRÚAR 2016
Bílaleigubílum fjölgađi um 26 prósent og ferđamönnum um ţrjátíu prósent á milli 2014 og 2015.
Bílaleigubílum fjölgađi um 26 prósent og ferđamönnum um ţrjátíu prósent á milli 2014 og 2015. VÍSIR/DANÍEL

Bílaleigubílum hér á landi fjölgaði um 26 prósent á milli áranna 2014 og 2015, sem er talsvert umfram það sem spáð hafði verið. Flotinn stækkar þó í takt við fjölgun ferðamanna, sem var um 30 prósent á sama tímabili.

Þetta kemur fram í nýrri skýrslu Íslandsbanka um íslenska ferðaþjónustu. Þar segir meðal ananrs að fjölgun bílaleigubíla hafi verið tiltölulega lítil á milli áranna 2013 og 2014 en hafi tekið stökk árin 2014 til 2015. Stækkunar- og endurnýjunarþörfin hafi á þeim tímapunkti verið orðin það mikil að nauðsynlegt hafi verið að ráðast í miklar fjárfestingar. Þá segir jafnframt að markaður fyrir leigu til innlendra aðila fari stækkandi, þá einna helst í langtímaleigu.

Þá hefur sú jákvæða þróun átt sér stað síðustu ár að ferðamannastraumurinn er orðinn jafnari yfir allt árið, og þar með útleiga á bílum yfir vetrarmánuðina orðin meiri miðað við það sem áður var. Því sé tekjustreymi í bílaleigugeiranum heilt yfir orðið jafnara og eðlilegra á ársgrundvelli.

Fjölgri virkra rekstraraðila hefur aukist talsvert á milli ára, en útgefin starfsleyfi til bílareksturs voru 51 árið 2013, en á árinu 2014 voru þau orðin 151 og því hafði orðið nálægt þreföldun í fjölda á þessu tímabili. Það er nánast fullkomlega samsvarandi fjölgun ferðamanna á sama tímabili, því fjöldi þeirra hafði einnig um það bil þrefaldast. Hins vegar stóð fjöldi starfsleyfa í stað á milli 2014 og 2015 og fjölgaði aðeins um einn, úr 151 í 152. Þannig hafði fjöldi leyfishafa verið nánast sá sami frá árinu 2013 þegar þeir voru 149 talsins.

Spár Íslandsbanka benda til þess að virkum rekstraraðilum muni fjölga eitthvað á árinu.
Skýrsluna í heild má lesa hér.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Bílaleigubílum fjölgar í takt viđ fjölgun ferđamanna
Fara efst