Umfjöllun, viðtöl og myndir: KR - Njarðvík 61-72 | Frábær varnarleikur Njarðvíkinga gerði útslagið Kristinn Geir Friðriksson í DHL-höllinni skrifar 24. nóvember 2016 22:00 Njarðvík gerði sér lítið fyrir og vann 11 stiga sigur, 61-72, á Íslandsmeisturum KR í DHL-höllinni í 8. umferð Domino's deildar karla í kvöld.Ernir Eyjólfsson, ljósmyndari Fréttablaðsins og Vísis, var á vellinum og tók meðfylgjandi myndir. Njarðvíkingar spiluðu frábæran varnarleik í leiknum í kvöld og héldu KR-ingum í aðeins 33% skotnýtingu. Njarðvík leiddi með einu stigi, 15-16, eftir 1. leikhluta og í þeim öðrum skelltu gestirnir svo í lás í vörninni. KR skoraði aðeins átta stig í 2. leikhluta gegn 18 stigum Njarðvíkur sem var yfir í hálfleik, 23-34. Njarðvíkingar voru áfram með yfirhöndina í seinni hálfleik og sigldu sigrinum í örugga höfn. Lokatölur 61-72, Njarðvík í vil. Björn Kristjánsson reyndist sínum gömlu félögum í KR erfiður en hann skoraði 24 stig fyrir Njarðvík. Jeremy Atkinson var einnig öflugur en hann gerði 18 stig og tók tíu fráköst á aðeins 20 mínútum. Hjá KR var liðsheildin verulega löskuð og var það Snorri Hrafnkelsson, stigahæsti maður liðsins ásamt Sigurði Þorvaldssyni, sem einn átti sæmilegan leik í liði venjulega drekkhlöðnu af hæfileikum. Hjá Njarðvík var liðsheildin sigurvegari kvöldins; leikmenn þéttust saman við hvern lítinn varnarsigur og óx ásmeginn við hverja körfu sína. Með sigrinum fóru Njarðvíkingar upp í 5. sæti deildarinnar. KR er hins vegar á toppnum með tólf stig, líkt og Stjarnan og Grindavík.KR-Njarðvík 61-72 (15-16, 8-18, 18-23, 20-15)KR: Sigurður Á. Þorvaldsson 14/10 fráköst, Snorri Hrafnkelsson 14, Þórir Guðmundur Þorbjarnarson 9, Cedrick Taylor Bowen 8/5 fráköst, Darri Hilmarsson 6/7 fráköst, Brynjar Þór Björnsson 5/4 fráköst, Pavel Ermolinskij 5/8 fráköst/5 stoðsendingar/3 varin skot, Arnór Hermannsson 0/6 fráköst.Njarðvík: Björn Kristjánsson 24/5 fráköst, Jeremy Martez Atkinson 18/10 fráköst, Logi Gunnarsson 14/5 stolnir, Stefan Bonneau 5, Adam Eiður Ásgeirsson 5, Jón Arnór Sverrisson 2/5 fráköst, Páll Kristinsson 2, Johann Arni Olafsson 2/11 fráköst.Daníel: Áttum alltaf svör Daníel Guðmundsson, þjálfari Njarðvíkur, sagði að undirbúningurinn hafi skipt sköpum. „Þetta felst allt í undirbúningi; við lögðum leikinn upp með ákveðnum áherslum sem gengu flest allar upp, sérstaklega í fyrri hálfleik þar sem við héldum þeim í 23 stigum. Við náðum einnig að aðlaga okkar leik og áttum alltaf svör. Við vissum að þeir eru með frábært lið og að þeir myndum koma með áhlaup,“ sagði Daníel. „Við stóðumst þau með því að vera rólegir í höfðinu og ekki láta þá leiða okkur útí einhverja vitleysu. Þetta sást best undir lokin þegar þeir voru og við áttum tækifæri á hraðaupphlaupi þá stilltum við bara upp í rólegheitum. Eitthvað sem við þurfum að gera, þ.e. að stjórna leiknum.“ KR-ingar gerðu margar áhlaupstilraunir en áttu aldrei erindi sem erfiði. Daníel þakkar leikskipulaginu fyrir það. „Þrátt fyrir að við fáum körfur á okkur höldum við okkur við leikskipulagið. Við vorum alltaf í takti, alltaf að hjálpa hvorum öðrum og þegar einhver var ruglaður í vörninni þá var hann látinn heyra það og látinn aðlagast. Þegar við vinnum svona sem lið er okkur allir vegir færir. Ég er bara virkilega ánægður með strákana í kvöld,“ sagði Daníel.Finnur Freyr: Frammistaðan langt fyrir neðan allar hellur Finnur Freyr Stefánsson, þjálfari KR, var ekki par hrifinn af frammistöðu sinna manna gegn Njarðvík í kvöld. „Þetta er lélegsta frammistaða liðsins síðan ég tók við því, fyrir þremur árum. Á öllum vígstöðvum vorum við langt frá okkar besta. Við byrjum ágætlega og erum að hlaupa ágætan sóknarleik og erum að fá fín skot en sniðskotin fóru ekki niður. Opin skot frá okkar skyttum fóru ekki niður og þá verða hlutirnir erfiðir,“ sagði Finnur. „Frammistaðin í heild var einfaldlega langt fyrir neðan allar hellur og ekki okkur bjóðandi. En svona er þetta stundum; þegar þú spilar illa, taparðu. Það er svo einfalt.“ Lykilmenn KR áttu undarlegt kvöld, svo ekki verður meira sagt og þó Finnur hafi alls ekki kafað djúpt á bekkinn (aðeins 8 leikmenn komu við sögu) þá voru aðeins tveir byrjunarliðsmenn sem spiluðu síðustu fimm mínúturnar. „Ég var óánægður með allt liðið, við vorum búnir að vera að reyna hitt og þetta lunga leiks. það var ekki búið að ganga og þá verður maður að breyta einhverju og Arnór [Hermannsson], sérstaklega, kom með kraft inn. Strákur sem er búinn að vera að spila vel það sem af er vetri,“ sagði Finnur. „Ungu strákarnir stóðu sig vel en munurinn var orðinn of mikill þarna síðustu sex mínúturnar til þess að eiga raunhæfan möguleika, það hefði allt þurft að ganga upp. En þeir gerðu vel og börðust; gerðu þetta þannig að við gátum gengið nokkuð sómasamlega frá leiknum en frammistaðan bara djók.“ Aðspurður hvort liðið færi í naflaskoðun núna sagði Finnur: „Neinei, við skulum ekki tapa okkur. Við vitum alveg hvað við getum, stundum erum við í stuði og stundum ekki. Við vitum að við þurfum að vera betri. Við þurfum að taka skilaboðunum sem við fengum í þessum leik en ekki lesa of mikið í stöðuna,“ sagði Finnur að lokum.Björn: Aukakraftur fylgdi því að koma á gamla heimavöllinn Björn Kristjánsson, leikmaður Njarðvíkur, var kampakátur eftir leikinn og talaði um að sú staðreynd að vera koma aftur á gamla heimavöllinn hafi skipt sig máli. „Það var mjög gott og auka kraftur sem fylgdi því í byrjun og stigin tvö voru góð,“ sagði Björn. Varnarleikur Njarðvíkur hélt KR í 61 stigi og nýting heimamanna slæm en aðspurður um góðan varnarleik sinna manna sagði Björn: „Vörnin okkar var góð á köflum. Þeir hittu ekki vel og við reyndum að láta þá taka erfið skot en á sama tíma hittu þeir ekki vel úr sínum opnu skotum.“ Njarðvíkingar stóðu öll áhlaup KR af sér, sem geta oft á tíðum verið of mikil byrði fyrir mörg lið. „Við vissum að þeir myndu koma með áhlaup. Þetta er þannig lið að það getur komið með marga þrista á augabragði. Í staðinn fyrir að reyna að svara þristunum strax reyndum við að stilla upp og frekar róa leikinn,“ sagði Björn.Bein lýsing: KR - NjarðvíkVísirvísir/antonKR tapaði öðrum heimaleiknum í vetur.vísir/ernirBjörn átti flottan leik í kvöld.vísir/ernirDaníel og hans menn eru komnir upp í 5. sæti Domino's deildarinnar.vísir/ernir Dominos-deild karla Mest lesið Gat ekki staðið upp til að taka við bikarnum Sport „Maður hefur verið milli tannanna á fólki síðan maður var ungur“ Íslenski boltinn Adam hundfúll og Arnar beint í símann Íslenski boltinn Sjáðu aukaspyrnumark Gylfa, umdeildan rangstöðudóm og rauðu spjöldin Íslenski boltinn „Arnar fór langt yfir strikið“ en nafni hans oftar með dónaskap Íslenski boltinn Segir að Viðar hafi ekki mætt á æfingu á leikdegi Íslenski boltinn „Síðasti naglinn í kistu Ten Hag“ Enski boltinn Gaf leik því hún vildi ekki keppa við trans konu Sport Bielsa ætlar að velja áhugamann í landsliðshóp Úrúgvæ Fótbolti Segir að Casemiro hafi verið aðhlátursefni gegn Palace Enski boltinn Fleiri fréttir Kosinn nýliði ársins með fullu húsi Riley sagði Butler að halda kjafti og lofaði honum ekki nýjum samningi Brunson í fámennan klúbb og Knicks veittu fyrsta höggið „Ótrúlega stoltur að klára mjög sterkt og vel mannað Grindavíkurlið“ „Það er þjálfarinn sem á að stíga upp og finna betri lausnir“ Uppgjör: Grindavík - Njarðvík 69-82 | Njarðvík í úrslit Þjálfari Luka og Kyrie framlengir „BLE-bræður eru brjálaðir!“ Áflogaseggir fá ekki að mæta aftur á völlinn Mitchell skaut Cleveland í undanúrslit Austursins „Ef maður fær opin skot þá verður maður að taka þau“ Uppgjör og viðtöl: Keflavík - Stjarnan 87-78 | Heimakonur einum sigri frá úrslitum Búið að fjarlægja auglýsingarnar af gólfinu í Smáranum Helena fær sæti í Heiðurshöll TCU skólans Bara þrjú af tíu líklegustu NBA-liðunum komust í aðra umferð Hetja Keflvíkinga hafði aldrei áður skorað svona flautukörfu á ferlinum NBA meistararnir réðu ekki við hinn magnaða Anthony Edwards „Við höldum bara áfram þangað til að leikurinn er búinn“ „Við gleymum okkur á veiku hliðinni“ Darius Morris látinn aðeins þrjátíu og þriggja ára að aldri Uppgjör: Keflavík - Grindavík 84-83 | Ótrúlegur endir og allt jafnt í einvíginu Tryggvi Snær kom inn af bekknum í tapi gegn botnliðinu „Varhugavert er að ætla starfsmanni Stöðvar 2 að hafa brugðið talsvert“ Kyrie kann að loka einvígum og Dallas sló loksins út Clippers DeAndre Kane sleppur við bann og spilar í kvöld „Þetta er ekki boðlegt finnst mér“ Lið Aþenu og Brynjar Karl einum leik frá Subway-deildinni eftir spennutrylli „Þurfum að fá fleiri hjól undir bílinn“ „Það er búið að vera okkar merki í allan vetur að spila vörn“ Uppgjörið: Njarðvík - Valur 69-78 | Deildarmeistararnir læstu vörninni Sjá meira
Njarðvík gerði sér lítið fyrir og vann 11 stiga sigur, 61-72, á Íslandsmeisturum KR í DHL-höllinni í 8. umferð Domino's deildar karla í kvöld.Ernir Eyjólfsson, ljósmyndari Fréttablaðsins og Vísis, var á vellinum og tók meðfylgjandi myndir. Njarðvíkingar spiluðu frábæran varnarleik í leiknum í kvöld og héldu KR-ingum í aðeins 33% skotnýtingu. Njarðvík leiddi með einu stigi, 15-16, eftir 1. leikhluta og í þeim öðrum skelltu gestirnir svo í lás í vörninni. KR skoraði aðeins átta stig í 2. leikhluta gegn 18 stigum Njarðvíkur sem var yfir í hálfleik, 23-34. Njarðvíkingar voru áfram með yfirhöndina í seinni hálfleik og sigldu sigrinum í örugga höfn. Lokatölur 61-72, Njarðvík í vil. Björn Kristjánsson reyndist sínum gömlu félögum í KR erfiður en hann skoraði 24 stig fyrir Njarðvík. Jeremy Atkinson var einnig öflugur en hann gerði 18 stig og tók tíu fráköst á aðeins 20 mínútum. Hjá KR var liðsheildin verulega löskuð og var það Snorri Hrafnkelsson, stigahæsti maður liðsins ásamt Sigurði Þorvaldssyni, sem einn átti sæmilegan leik í liði venjulega drekkhlöðnu af hæfileikum. Hjá Njarðvík var liðsheildin sigurvegari kvöldins; leikmenn þéttust saman við hvern lítinn varnarsigur og óx ásmeginn við hverja körfu sína. Með sigrinum fóru Njarðvíkingar upp í 5. sæti deildarinnar. KR er hins vegar á toppnum með tólf stig, líkt og Stjarnan og Grindavík.KR-Njarðvík 61-72 (15-16, 8-18, 18-23, 20-15)KR: Sigurður Á. Þorvaldsson 14/10 fráköst, Snorri Hrafnkelsson 14, Þórir Guðmundur Þorbjarnarson 9, Cedrick Taylor Bowen 8/5 fráköst, Darri Hilmarsson 6/7 fráköst, Brynjar Þór Björnsson 5/4 fráköst, Pavel Ermolinskij 5/8 fráköst/5 stoðsendingar/3 varin skot, Arnór Hermannsson 0/6 fráköst.Njarðvík: Björn Kristjánsson 24/5 fráköst, Jeremy Martez Atkinson 18/10 fráköst, Logi Gunnarsson 14/5 stolnir, Stefan Bonneau 5, Adam Eiður Ásgeirsson 5, Jón Arnór Sverrisson 2/5 fráköst, Páll Kristinsson 2, Johann Arni Olafsson 2/11 fráköst.Daníel: Áttum alltaf svör Daníel Guðmundsson, þjálfari Njarðvíkur, sagði að undirbúningurinn hafi skipt sköpum. „Þetta felst allt í undirbúningi; við lögðum leikinn upp með ákveðnum áherslum sem gengu flest allar upp, sérstaklega í fyrri hálfleik þar sem við héldum þeim í 23 stigum. Við náðum einnig að aðlaga okkar leik og áttum alltaf svör. Við vissum að þeir eru með frábært lið og að þeir myndum koma með áhlaup,“ sagði Daníel. „Við stóðumst þau með því að vera rólegir í höfðinu og ekki láta þá leiða okkur útí einhverja vitleysu. Þetta sást best undir lokin þegar þeir voru og við áttum tækifæri á hraðaupphlaupi þá stilltum við bara upp í rólegheitum. Eitthvað sem við þurfum að gera, þ.e. að stjórna leiknum.“ KR-ingar gerðu margar áhlaupstilraunir en áttu aldrei erindi sem erfiði. Daníel þakkar leikskipulaginu fyrir það. „Þrátt fyrir að við fáum körfur á okkur höldum við okkur við leikskipulagið. Við vorum alltaf í takti, alltaf að hjálpa hvorum öðrum og þegar einhver var ruglaður í vörninni þá var hann látinn heyra það og látinn aðlagast. Þegar við vinnum svona sem lið er okkur allir vegir færir. Ég er bara virkilega ánægður með strákana í kvöld,“ sagði Daníel.Finnur Freyr: Frammistaðan langt fyrir neðan allar hellur Finnur Freyr Stefánsson, þjálfari KR, var ekki par hrifinn af frammistöðu sinna manna gegn Njarðvík í kvöld. „Þetta er lélegsta frammistaða liðsins síðan ég tók við því, fyrir þremur árum. Á öllum vígstöðvum vorum við langt frá okkar besta. Við byrjum ágætlega og erum að hlaupa ágætan sóknarleik og erum að fá fín skot en sniðskotin fóru ekki niður. Opin skot frá okkar skyttum fóru ekki niður og þá verða hlutirnir erfiðir,“ sagði Finnur. „Frammistaðin í heild var einfaldlega langt fyrir neðan allar hellur og ekki okkur bjóðandi. En svona er þetta stundum; þegar þú spilar illa, taparðu. Það er svo einfalt.“ Lykilmenn KR áttu undarlegt kvöld, svo ekki verður meira sagt og þó Finnur hafi alls ekki kafað djúpt á bekkinn (aðeins 8 leikmenn komu við sögu) þá voru aðeins tveir byrjunarliðsmenn sem spiluðu síðustu fimm mínúturnar. „Ég var óánægður með allt liðið, við vorum búnir að vera að reyna hitt og þetta lunga leiks. það var ekki búið að ganga og þá verður maður að breyta einhverju og Arnór [Hermannsson], sérstaklega, kom með kraft inn. Strákur sem er búinn að vera að spila vel það sem af er vetri,“ sagði Finnur. „Ungu strákarnir stóðu sig vel en munurinn var orðinn of mikill þarna síðustu sex mínúturnar til þess að eiga raunhæfan möguleika, það hefði allt þurft að ganga upp. En þeir gerðu vel og börðust; gerðu þetta þannig að við gátum gengið nokkuð sómasamlega frá leiknum en frammistaðan bara djók.“ Aðspurður hvort liðið færi í naflaskoðun núna sagði Finnur: „Neinei, við skulum ekki tapa okkur. Við vitum alveg hvað við getum, stundum erum við í stuði og stundum ekki. Við vitum að við þurfum að vera betri. Við þurfum að taka skilaboðunum sem við fengum í þessum leik en ekki lesa of mikið í stöðuna,“ sagði Finnur að lokum.Björn: Aukakraftur fylgdi því að koma á gamla heimavöllinn Björn Kristjánsson, leikmaður Njarðvíkur, var kampakátur eftir leikinn og talaði um að sú staðreynd að vera koma aftur á gamla heimavöllinn hafi skipt sig máli. „Það var mjög gott og auka kraftur sem fylgdi því í byrjun og stigin tvö voru góð,“ sagði Björn. Varnarleikur Njarðvíkur hélt KR í 61 stigi og nýting heimamanna slæm en aðspurður um góðan varnarleik sinna manna sagði Björn: „Vörnin okkar var góð á köflum. Þeir hittu ekki vel og við reyndum að láta þá taka erfið skot en á sama tíma hittu þeir ekki vel úr sínum opnu skotum.“ Njarðvíkingar stóðu öll áhlaup KR af sér, sem geta oft á tíðum verið of mikil byrði fyrir mörg lið. „Við vissum að þeir myndu koma með áhlaup. Þetta er þannig lið að það getur komið með marga þrista á augabragði. Í staðinn fyrir að reyna að svara þristunum strax reyndum við að stilla upp og frekar róa leikinn,“ sagði Björn.Bein lýsing: KR - NjarðvíkVísirvísir/antonKR tapaði öðrum heimaleiknum í vetur.vísir/ernirBjörn átti flottan leik í kvöld.vísir/ernirDaníel og hans menn eru komnir upp í 5. sæti Domino's deildarinnar.vísir/ernir
Dominos-deild karla Mest lesið Gat ekki staðið upp til að taka við bikarnum Sport „Maður hefur verið milli tannanna á fólki síðan maður var ungur“ Íslenski boltinn Adam hundfúll og Arnar beint í símann Íslenski boltinn Sjáðu aukaspyrnumark Gylfa, umdeildan rangstöðudóm og rauðu spjöldin Íslenski boltinn „Arnar fór langt yfir strikið“ en nafni hans oftar með dónaskap Íslenski boltinn Segir að Viðar hafi ekki mætt á æfingu á leikdegi Íslenski boltinn „Síðasti naglinn í kistu Ten Hag“ Enski boltinn Gaf leik því hún vildi ekki keppa við trans konu Sport Bielsa ætlar að velja áhugamann í landsliðshóp Úrúgvæ Fótbolti Segir að Casemiro hafi verið aðhlátursefni gegn Palace Enski boltinn Fleiri fréttir Kosinn nýliði ársins með fullu húsi Riley sagði Butler að halda kjafti og lofaði honum ekki nýjum samningi Brunson í fámennan klúbb og Knicks veittu fyrsta höggið „Ótrúlega stoltur að klára mjög sterkt og vel mannað Grindavíkurlið“ „Það er þjálfarinn sem á að stíga upp og finna betri lausnir“ Uppgjör: Grindavík - Njarðvík 69-82 | Njarðvík í úrslit Þjálfari Luka og Kyrie framlengir „BLE-bræður eru brjálaðir!“ Áflogaseggir fá ekki að mæta aftur á völlinn Mitchell skaut Cleveland í undanúrslit Austursins „Ef maður fær opin skot þá verður maður að taka þau“ Uppgjör og viðtöl: Keflavík - Stjarnan 87-78 | Heimakonur einum sigri frá úrslitum Búið að fjarlægja auglýsingarnar af gólfinu í Smáranum Helena fær sæti í Heiðurshöll TCU skólans Bara þrjú af tíu líklegustu NBA-liðunum komust í aðra umferð Hetja Keflvíkinga hafði aldrei áður skorað svona flautukörfu á ferlinum NBA meistararnir réðu ekki við hinn magnaða Anthony Edwards „Við höldum bara áfram þangað til að leikurinn er búinn“ „Við gleymum okkur á veiku hliðinni“ Darius Morris látinn aðeins þrjátíu og þriggja ára að aldri Uppgjör: Keflavík - Grindavík 84-83 | Ótrúlegur endir og allt jafnt í einvíginu Tryggvi Snær kom inn af bekknum í tapi gegn botnliðinu „Varhugavert er að ætla starfsmanni Stöðvar 2 að hafa brugðið talsvert“ Kyrie kann að loka einvígum og Dallas sló loksins út Clippers DeAndre Kane sleppur við bann og spilar í kvöld „Þetta er ekki boðlegt finnst mér“ Lið Aþenu og Brynjar Karl einum leik frá Subway-deildinni eftir spennutrylli „Þurfum að fá fleiri hjól undir bílinn“ „Það er búið að vera okkar merki í allan vetur að spila vörn“ Uppgjörið: Njarðvík - Valur 69-78 | Deildarmeistararnir læstu vörninni Sjá meira