Heilsuvísir

Ókeypis hreyfing fyrir alla

Birta Björnsdóttir skrifar
Rakel Eva
Rakel Eva visir/skjaskot

Tvo morgna í viku má sjá sístækkandi hóp fólks stunda fjölbreyttar æfingar víðsvegar um borginna. Forsprakki framtaksins hér á landi er Rakel Eva Sævarsdóttir.

„Ég kynntist þessu þegar ég bjó í Boston. Þar var í gangi verkefni sem kallast The November Project, eða Nóvember-verkefnið. Það eru tveir strákar sem byrjuðu með þetta en grunnhugmyndin er að bjóða upp á skemmtilega líkamsrækt fyrir alla undir berum himni. Líkamsrækt sem kostar ekki neitt og allir geta tekið þátt í,“ segir Rakel Eva.

Rakel flutti heim í sumar og langaði að kynna nóvember-verkefnið fyrir Íslendingum

„Við vorum tvær sem mættum á fyrstu æfinguna en svo hefur smám saman fjölgað í hópnum. Ég hvet þó enn fleiri til að koma og vera með okkur, þetta verður skemmtilegra eftir því sem fleiri taka þátt,“ segir Rakel.

Æfingar fara sem fyrr segir fram tvisvar í viku, á miðvikudags- og föstudagsmorgnum, klukkan hálf 7. Rakel ítrekar að hver sem er geti komið og tekið þátt, þarna geti bæði þrautþjálfaðir íþróttagarpar og fólk sem er að stíga sín fyrstu skref í líkamsrækt fengið góðar æfingar.

Æfingin tekur 40 mínútur, það kostar ekkert að vera með og æfingin er öllum opin, ungum sem öldnum, konum og körlum. Ekki þarf heldur að skrá sig til leiks, bara mæta. Staðsetningar á æfingunum eru rækilega auglýstar á facebook-síðu Áforms


Tengdar fréttir

Mikilvægt að ætla sér ekki um of

Maður sér það of oft að fólk fer allt of geyst af stað og ætlar sér of mikið á stuttum tíma. Ansi margir gugna þá eftir nokkrar vikur og finnst þeir vera komnir á byrjunarreit.

Ætlar að njóta augnabliksins

Sylvía Ósk Rodriguez hefur sett sér þrjú markmið í Meistaramánuði. Eitt markmiðanna er nokkurs konar framhald á markmiði sem hún setti sér í Meistaramánuði í fyrra en þá ákvað hún að borða engan sykur í mánuðinum. Hún hefur lést um þrjátíu kíló síðan.

Allir geta orðið meistarar

"Meistaramánuður er í raun lífstílsátak þar sem fólk á öllum aldri skorar sjálft sig á hólm og reynir að bæta sig á einhvern hátt. Allir sem eru tilbúnir að setja sér einhver markmið og fylgja þeim eftir í einn mánuð geta tekið þátt,“ segir Þorsteinn Kári Jónsson, einn stofnenda Meistaramánuðar.

Munaður í Meistaramánuði

Nú er Meistaramánuður og um að gera að setja sér háleit markmið, og auðvitað á það einnig við um ástarlífið.

5 bestu snjallsímaforritin fyrir skipulagðara líf

Heilsuvísir er búinn að taka saman 5 forrit sem þú getur hlaðið niður í símann þinn og hjálpa þér við að ná betri árangri í þeim verkefnum og markmiðum sem að þú ætlar að setja þér.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.