Hvetja íslensk stjórnvöld til þess að hætta þróunaraðstoð við Úganda

Samtökin 78 hafa sent frá sér ályktun til sendiráðs Úganda í London og á Norðurlöndunum þar sem krafist er að mannréttindi hinsegin fólks séu virt að fullu og fallið verði frá lagasetningu um dauðarefsingar og fangelsisvist vegna samkynhneigðar.

Afrit hefur einnig verið sent til sendiráða Kenía, Rúanda, Tansaníu og Kongó.

Samtökin skora á íslensk stjórnvöld að hætta umsvifalaust allri þróunaraðstoð við Úganda sem og önnur lönd sem ekki virða mannréttindi hinsegin fólks.

Auk þess skora Samtökin 78 á íslensk stjórnvöld að hvetja ríkisstjórnir annarra norðurlanda til að gera slíkt hið sama.